Ҳамма жойда мухлислар оломони, папарацсилар таъқиби, кенг кўламли тадбирлар. Буларнинг барчаси жаҳон юлдузининг одатий кунига айланган. Лекин баъзи машҳурларга бундай ҳаёт умуман ёқмайди. Шовқинли кечалар ва уйда дам олиш танлови қўйилса, улар иккинчисини танлашади.
Киану Ривз
2005 йилда Time журнали актёрни “Голливуднинг энг катта интроверти” деб топди. Киану Ривз ҳамон бу номга мос келади. Жон Уик омманинг диққат марказида бўлишни хоҳламайди. Кўпинча актёрни паркдаги скамейкада ёлғиз кўриш мумкин.
Жонни Депп
Юлдуз экрандаги қаҳрамонлари каби бир текис хотиржам ҳаётни орзу қилади. Афсуски, Жонни Деппнинг касби бунга йўл қўймайди. Юлдуз ташқарига чиқишдан қўрқади, чунки мухлислари уни таъқиб қилишади.
“Мен турли жойларга боришни, янги нарсаларни кўришни ва одамлар билан учрашишни яхши кўраман, лекин одамлар ўйлаганчалик экстроверт эмасман. Харид қилиш учун супермаркетга чиққанимда селфи тушмоқчи бўлган одамлар орасида қолиб кетишим мумкин. Мен бунга қарши эмасман, лекин баъзида жуда гавжум бўлиб кетади”.
Зейн Малик
Зейн Малик ёмон кўрадиган ягона нарса бу — тадбирларга сон-саноқсиз таклифлар. У фақат одоб юзасидангина юлдузли кечаларга боради. Дарҳақиқат, унинг ёмон бола қиёфаси ортида камтаринлик ётибди.
“Менимча, интроверт характерим баъзида нотўғри тушунилади, шунинг учун одамлар мени ёмон бола деб билишади, лекин аслида мен бироз уятчан ва одамовиман”.
Блейк Лайвли
Актрисанинг қизил гиламдаги ҳар бир чиқиши мухлислар учун байрамга айланади. Райан Рейнолдснинг турмуш ўртоғи юқори даражадаги кечаларга бормайди. У ўзини тўрт фарзандни тарбиялашга бағишлайди. Шов-шувларни яхши кўрадиган “Ғийбатчи қиз”даги қаҳрамони Серена билан ҳеч қандай алоқаси йўқ.
“Мен ҳеч қачон шунчаки дам олиш учун кечаларга бормайман. Менга бу умуман қизиқ эмас. Мен жонли мусиқа тинглашни яхши кўраман — бу, эҳтимол, ўз хоҳишим билан клубга боришимнинг ягона сабабидир”.
Кристен Стюарт
“Сумерки” юлдузи камдан-кам интервью беради. Мухбирлар Кристен Стюарт билан гаплашишга муваффақ бўлишса ҳам ундан батафсил жавоб олишолмайди. Гап шундаки, актриса ўзининг ишончсизлиги ва қўполлиги туфайли матбуотдан қочади.
“Журналистлар билан шахсий ҳаётимни муҳокама қилишга тайёр эмасман ва ҳатто қариндошларимга ҳам янги машғулотларим ҳақида айтмайман. Мен бошқалар учун ёпиқман, ҳар доим шундай бўлганман — мен интровертман”.
Белла Ҳадид
Сайёрадаги энг гўзал қиз қандай дам олишини билмоқчимисиз? Диванда ётиш. Белла Ҳадид дам олиш кунларини тунги клубларда ўтказадиган даврдан аллақачон ўтган. Энди модел ёлғиз дам олишни афзал кўради.
“Одамлар мени зиёфатларни яхши кўради деб ўйлашади, лекин бу ўтмишда бўлган. Мен ҳам бошқалар каби видеоўйинлар ўйнайман, фильмлар томоша қиламан, болалигимизда Жижи ва Белла бўлгунимизча қилган барча ишларни қиламан”.
Зендая
Актриса 14 ёшидан бери шоу-бизнесда. Зендая машҳурликдан аллақачон чарчагани ажабланарли эмас. У ёшлигида машҳур бўлиб, кейинчалик карьерасини барбод қилган Линдси Лоҳаннинг изидан бормади. Зендая тартибсиз турмуш тарзини олиб борадиган ва ақлдан оздирувчи тунги зиёфатларда қатнашадиганлардан эмас.
Рианна
Рианна ҳозирда ўғлини тарбиялаяпти, иккинчи фарзандига ҳам ҳомиладор. Оилавий ташвишлардан ташқари, ижрочи ўзининг Fenty бренди устида ишламоқда.
“Яқинда мен энагага айландим. Аввалдан базмларни ёмон кўрардим. Балки пошнали пойабзал лар туфайлидир — уларда соатлаб туришни ёқтирмайман. Буларнинг барчаси мени зериктирди. Мен ҳеч нарса қилмасликни яхши кўраман — буни тан олишдан уяламан”.
Изоҳ (0)