Дунё бўйича жуда қиммат бўлган аксессуар — сумкалар ҳақида маълумот берамиз.
7 миллион доллардан ортиқ — Boarini Milanesi Parva Mea
2020 йилда италян бренди Boarni Milanesi бренд ҳаммуассиси Matteо Мilaneci оиласи билан денгиз саёҳатларидан илҳомланган ҳолда дунёдаги энг қиммат сумкани яратди. Parva Meа модели — Сардиния ва Греция қирғоқлари бўйлаб саёҳат қилган марҳум отасига нисбатан ҳурмат сифатида ишлаб чиқарилди.
Сумка фируза рангга бўялган аллигатор терисидан ясалган ва оқ олтиндан ишланган 10 та капалак, океан тубини уйғотувчи сапфир ва Кариб денгизининг Paraiba турмалинлари билан безатилган. Эксклюзив маҳсулот денгизларни ҳимоя қилиш муаммосига эътиборни қаратиш мақсадида яратилган: компания океанни пластмассадан тозалайдиган ташкилотларга сумкалар савдосидан тушган 800 минг евро маблағни юборади.
6,7 миллион доллар — Debbie Wingham’s Upcycled Easter Egg Purse
2019 йилда британиялик дизайнер Дебби Вингем, ўзини кутюре деб эълон қилган экстравагант буюртмалар билан танилган, мижознинг шахсий илтимосига кўра машҳур Faberge тухумига ўхшаган сумка яратди. Пасха тухуми аксессуари америкалик аноним харидор учун тайёрланган бўлиб, у ўз навбатида ўзининг заргарлик буюмлари ва шарфларининг бир қисмини ўз ишида фойдаланиш учун дизайнерга совға қилган.
Шундай қилиб, тухумсимон сумка 8 мингта олмос билан безатилган ва кўк Hermes ипак шарфи билан тўлдирилган. Бир жуфт Cartier сирғалари қулф сифатида, учта пушти ва иккита оқ олмосли 24 каратли олтин ташқи қобиқ билан тўлдирилади.
3,8 миллион доллардан ортиқ — Mouawad 1001 Nights Diamond Purse
2011 йилда Mouawad 1001 Nights Diamond Purse сумкаси дунёдаги энг қиммат сумка сифатида Гиннеснинг рекордлар китобига кирган. Ягона аксессуар Mouawad заргарлик уйи томонидан ишлаб чиқарилган. Сумка 18 каратли тилладан ясалган ва 4517 та олмос (105 та сариқ, 56 та пушти ва 4356 та оқ) билан безатилган. Уни ясаш учун 8800 соат вақт кетган. Мазкур клатчнинг баҳоси 3,8 миллион доллар.
2 миллион доллар — Hermes Kelly Rose Gold
Заргар Пер Ҳарди икки йил давомида Hermes Kelly Rose Gold сумкасини яратиш устида ишлади. Ушбу мини сумка бутунлай пушти тилладан ясалган ва 1600 та олмос билан безатилган. Бренд уч хил вариантда фақат 12 тагина сумка чиқарган. Унинг нархи 2 миллион долларни ташкил этади.
1,4 миллион доллар — Hermes Birkin Bag by Ginza Tanaka
Ушбу ноёб Birkin модели япон дизайнери Гинза Танака томонидан 2008 йилда яратилган. Мини сумка платинадан ясалган ва 2000 дан ортиқ олмос билан безатилган. Марказда жойлашган 8 каратли нок шаклидаги олмосни ажратиб олиш ва брош сифатида тақиш мумкин. Сумка занжиридан ҳам маржон ёки билагузук сифатида фойдаланиш мумкин. Ушбу клатч тахминан 1,4 миллион доллар туради.
1,4 миллион доллар — Hermes Chaine’d Ancre Bag
Hermes сумкаларининг ҳаммаси ҳам ҳақиқий чармдан эмас. Масалан, 2012 йилда афсонавий бренд оқ олтиндан ясалган ва олмос билан безатилган чекланган ададдаги Hermes Chaine’d Ancre Bag сумкасини тақдим этди. Бу асарни яратиш учун француз дизайнери Пер Ҳарди икки йил вақт сарфлади. Аксессуарнинг нархи, тахминан, 1,4 миллион долларни ташкил этади, чунки 11 000 га яқин олмос ишлатилган. Бренд бу сумкаларнинг атиги 3 та моделини чиқарган.
380 минг доллар — Hermes Niloticus Crocodile Himalaya Birkin
Ҳимолая Биркин модели — тимсоҳ терисидан тайёрланган сумка. Аксессуар 240 та олмос билан безатилган, унинг фурнитуралари эса 18 каратли оқ олтиндан қилинган. Сумканинг нархи 380 000 долларни ташкил қилади. 2016 йилда мазкур аксессуар Гонконгдаги Christies аукционида сотилган.
261 минг доллар — Chanel Diamond Forever Handbag
2008 йилда Chanel бренди 13 та классик сумкадан иборат чекланган моделни чиқарди. Сумка оқ аллигатор терисидан қилинган ва 334 та олмос билан безатилган. Ушбу аксессуар 261 000 долларга баҳоланган.
150 000 доллар — Louis Vuitton Urban Satchel
Агар бу сумкани кўрганингизда хаёлингизга биринчи бўлиб “ахлатларми” сўзи келса, сиз ҳақсиз. Louis Vuitton мухлислари бренддан кутилаётган олмос, қимматбаҳо металлар ва эксклюзив чарм ўрнига эски чой пакети, конфет ўрамлари ва бир қути сигаретдан тайёрланган маҳсулотни тақдим этди. Француз мода уйи ўз мижозларини ахлатдан ясалган сумка учун 150 минг доллар тўлашга ишонтира олди.
92 минг доллар — Judith Leiber Precious Rose
Жудит Лейберни негадир “Клатчлар маликаси” деб аташади: у мода оламига Жижи Ҳадид, Рианна, Гвинет Патров ва опа-сингил Кардашянлар танлаган энг нафис қўлда ишланган аксессуарларни тақдим этди. Жудит Лейбер коллекциясидаги энг қиммат буюм 2010 йилда яратилган Precious Rose сумкаси эди. Аксессуар 18 каратли оқ олтиндан ясалган ва 1016 дона олмос, 1169 дона пушти сапфир ва 800 дона турмалин барглари билан безатилган.
45 минг доллар — Louis Vuitton Tribute Patchwork Bag
Бу сафар Louis Vuitton томонидан 2007 йилда креатив директор Марк Жейкобс бошчилигида яратилган энг қиммат сумкалардан бири бўлган Tribute Patchwork ахлатдан эмас, балки тери қолдиқларидан ясалган бўлиб, улар патчwорк техникасидан фойдаланган ҳолда ҳар бирининг устига бириктирилган. Модель 15 та сумкадан йиғилган ва тиражда фақат 24 дона мавжуд. Louis Vuitton Tribute Patchwork сумкасининг энг машҳур эгаси — хонанда Бейонcе.
Изоҳ (0)