Голливудда кўп йиллардан буён эски фильм ва мультфильмларнинг қайта ишланган талқинлари яратиб келинмоқда. Баъзан қизиқарли асарлар яратилса, кўп ҳолларда янги талқинлар танқидга учрашмоқда.
“Шрек-5” мультфильмидаги Шрек
“Шрек” франшизаси — 2000 йилларнинг ҳақиқий афсонаси. Биринчи мультфильм муаллифлари янги турдаги қаҳрамонни - одатда эртакларда ёвуз деб ҳисобланган персонажни тақдим этишди. Аммо уни жозибадор ва ниҳоятда ҳазилкаш қилиб яратишди. Кейинги уч қисмда қаҳрамонларнинг ташқи кўриниши деярли ўзгармади, фақат графика такомиллашди. Муаллифлар фақат бир марта “Этик кийган мушук” спин-оффининг иккинчи қисмида тажриба ўтказишди — деярли аниме услубидаги чизилган графикани қўшишди.
Бироқ 2025 йилда “Шрек 5”нинг трейлери чиқди. Чамаси бу қисмда ижодкорлар мультфильм қаҳрамонларини янада реалистик қилишга интилган, натижада улар ваҳимали кўринишга эга бўлиб қолган. Шрек дастлабки кадрларда гўё скуфга айлангандек ёки ботоксни ҳаддан ташқари ишлатиб юборгандек кўринади. Унинг ғайритабиий шишган ва силлиқ юзини бошқача тушунтириш қийин.
“Космик жем: Янги авлод” фильмидаги Лола Банни
Мультфильм қаҳрамонларини ҳақиқий актёрлар билан уйғунлаштирган “Ким Рожер қуёнини тузоққа туширди?” фильми муваффақиятидан сўнг, бошқа ижодкорлар шунга ўхшашларини яратишга бир неча бор уриниб кўрди. Энг машҳур мисоллардан бири Майкл Жордан иштирок этган “Космик жем” фильмидир. Фильмдаги қаҳрамонлар орасида Лола Банни ҳам бор.
2021 йилда “Космик жем: Янги авлод” ҳикоясининг давоми экранларга чиқди. Унда Майкл Жордан ўрнига Леброн Жеймс танланди ва шу билан бирга сценарийдан тортиб қаҳрамонлар ташқи кўринишигача бўлган деярли барча жиҳатлари бузиб кўрсатилди. Сюжет бемаънироқ тус олди. Бундан ташқари, Лолани янада фаолроқ қилишга қарор қилиниб, унинг тана нисбатлари ҳам ўзгартирилди. Унинг янги қиёфаси жуда кўп баҳсларга сабаб бўлди.
2019 йилги “Қирол шер” мультфильмидаги барча персонажлар
Дисней студияси “Қирол шер”нинг янги талқинини фильм сифатида тақдим этди, бироқ даромадлар ошгач, уни энг кўп касса йиғган анимацион асар деб аташди. 2019 йилги “Қирол шер" худди шу номдаги классик мультфильмнинг деярли сўзма-сўз қайта ҳикояси, лекин қаҳрамонлар ҳақиқий тасвирга ўхшамаган.
Мультфильмда ҳайвонлар бежиз одамга ўхшатилмаган эди: уларнинг кўзлари, тишларининг шакли ва юз ифодалари инсонникига ўхшарди. Ремейкда барча қаҳрамонлар ҳақиқий ҳайвонлар ва қушларга ўхшайди. Шу сабабли улар деярли жилмайишмайди, нигоҳларида эса ҳиссиёт йўқ. Булар шунчаки гапирганда жағларини қимирлатадиган ҳайвонлар, холос.
“Сув париси” фильмидаги Флаундер
“Сув париси” фильмининг қайта ишланган талқини ҳали экранларга чиқмасидан олдин жанжаллар марказига тушди. Аввало, бош ролни қора танли актриса Холли Бэйли ижро этгани туфайли. Бироқ шу фонда негадир Флаундер билан юз берган фожиа эътибордан четда қолди.
Аслида бу балиқча Ариэлнинг барча саргузаштларида доимий ҳамроҳи ҳисобланади. У содда ва қувноқ шўх бўлиб, бу унинг қиёфасида ҳам акс этади: катта кўзлари ва доимий табассуми қаҳрамоннинг ғайратини таъкидлайди. Қайта ишланган талқинда эса шунчаки баъзан оғзини очадиган оддий балиқ, холос.
“Простоквашино” мультсериалида Фёдор амаки
“Простоквашино”нинг янги серияларини танқид қилишдан олдин Эдуард Успенскийнинг сўнгги китобларини ўқиб чиққан маъқул. Уларда пора, солиқлар, интернет ва арвоҳлар ҳақида ҳикоя қилинади.
Аммо сценарийлардан ҳам кўра визуал эффектлар кўплаб эътирозлар бор. У анча содда ва қаҳрамонлар оддий бўлиб қолган. Айниқса, Фёдор амакига умуман эътибор берилмаганга ўхшайди. Ҳатто замонавий соч турмаги билан ҳам томошабинда таассурот уйғотмайди.
“Сеними, шошмай тур! Таътиллар” мультсериалидаги қуён
Аслида “Сеними, шошмай тур”!” мультфильмининг давоми бир неча марта суратга олинганган: алоҳида қисмлар 2000 йилларда ва ҳатто 2010 йилларда ҳам эфирга узатилган. Бироқ 2021 йилда бутунлай янгича талқин пайдо бўлди.
Бу версия тўлиқ компьютер 3D графикасига ўзгартирилди. Аммо у Pixar студияси даражасига етишига ҳали анча бор: қаҳрамонлар бурчакли чиқиб қолган, фон элементлари эса умуман ишланмаган. Бўри қайсидир жиҳатдан классик қаҳрамонга ўхшайди. Қуён эса шунчаки схематик тарзда тасвирланган — у мутлақо силлиқ ва ҳиссиз бўлиб қолган.
2017 йилги “Ўрдак ҳикоялари” мультсериалидаги барча ўрдаклар
Янги “Ўрдак ҳикоялари” сюжет жиҳатидан аввалгисидан ҳам қизиқарли — масалан, Вилли, Билли ва Дилли шахсий хусусиятларга эга бўлиб, нафақат кийимларининг ранги, балки ташқи кўринишлари билан фарқланди, Скруж амаки эса янада ғайратли қилиб тасвирланди.
Бироқ персонажларнинг янги дизайни кўплаб баҳс-мунозараларга сабаб бўлди. Тўғри, у аввалгисидан ёмон эмас — шунчаки бошқача. Муаллифлар комикс услубига таянишга қарор қилишди, шунинг учун қаҳрамонларни янада аниқ чизишди. Аммо классик мультфильм мухлислари учун тўртбурчак бошлар ва бурчакли таналарга кўникиш жуда қийин бўлди.
Изоҳ (0)