Айшвария Рай, Дипика Падуконе ва Салмон Хон билан бир фильмда суратга тушишни истамаган бошқа Болливуд актрисалари (фото)

Салмон Хон Ҳиндистон кино саноатининг дунёга машҳур актёрларидан бири. Болливуд юлдузи иштирокидаги ҳар бир фильм хит даражасига чиқади. Салмон Хон жуда кўп фильмларда рол ўйнагани учун узоқ йиллик фаолияти давомида кўплаб актрисалар билан ишлаш имконига эга бўлди. Бироқ уларнинг орасида Салмон Хон билан бир фильмда суратга тушишдан бош тортганлари ҳам бор. Қуйида шу каби актрисалар ҳақида маълумот берилади.

Сонали Бендре

Болливуднинг энг гўзал актрисаларидан бири Сонали 1990 йилларда диққат марказида эди. Мухлислар Сонали ва Салмоннинг бирга ишлаётганига гувоҳ бўлишди, бироқ актёрнинг исми Блекбак ишида (браконьерлик иши) тилга олингач, актриса ундан узоқлашди ва келишмовчиликлар туфайли бирга ишлашдан бош тортди.

Айшвария Рай

Ўз вақтида Айшвария ва Салмон Болливуддаги энг машҳур, чиройли жуфтлик ҳисобланган. “Қалбим сеникидир, жоним” фильмидан кейин улар ажрашишди. Шундан сўнг, Айшваря Салмон билан бошқа ҳеч қачон ишламасликка қарор қилди.

Дипика Падуконе

Дипика Болливуднинг энг яхши актрисаларидан бири. У “Муҳаббат тилсими”, “Падмавати”, “Бажирао Мастани” ва “Чиннай Экспресс” каби машҳур фильмларда суратга тушган.  Актриса бир эмас, 5 марта Салмон Хон билан бирга ишлаш таклифини рад этган. Актрисанинг маълум қилишича, Салмон унинг турмуш ўртоғи ва Болливуд актёри Ранвир Сингҳга нисбатан ҳурматсизлик қилган. Шундан кейин Дипика умуман Салмон билан ишлашга рози бўлмаган.

Дипшика Нагпал

“Каран ва Аржун” фильмидаги Биндия ролини биринчи бўлиб Дипшикага таклиф қилишган, бироқ у Салмон Хон билан партнёрликда рол ижро этиши керак эди. Кейинчалик у бу ҳолатни синглиси кино саноатига актриса сифатида кирмоқчи эканлигини ва агар Дипшика ролдан воз кечса, таклиф синглисига берилишига умид қилгани билан изоҳлаган.

Урмила Матондкар

Урмила Салмон Хон билан “Жанам Самжа Каро” фильмида ишлаган, бироқ лойиҳа кассада яхши натижа бермади, шундан сўнг у актёр билан ишламасликка қарор қилди.

Амиша Пател

Амиша “Лондонга сафар” фильмида Салмон бирга рол ўйнаганидан сўнг, актёр билан бошқа лойиҳаларда бирга ишламади. Жуфтлик биргаликда суратга тушган ягона фильм кассада муваффақиятсизликка учради. Актриса Амиша Пател лойиҳа муваффақиятсизликка учрагач, актёр Салмон Хон билан ишлашда яхши тажрибага эга бўлмаганини маълум қилди.

Кангана Ранаут

Кангана ўз интервьюларидан бирида актёр Салмон иштирокидаги лойиҳаларда фильмнинг муваффақияти бошқа актёрларга эмас, фақатгина унга тегишли бўлишини айтган. Бу актрисанинг Салмон билан ишлашдан бош тортишининг ягона сабаби.

Твинкл Ханна

Твинкл 1995 йилда “Ёмғирли мавсум” фильмида дебют қилганидан кейин жуда кам фильмларда рол ўйнади. У актёрлик фаолиятининг қисқа даврида кўплаб актёрлар билан ишлади, бироқ у Салмон Хон билан бирга “Ака-ука рақиблар” ва “Ошиқ бўлганингизда” каби фильмларда бирга рол ўйнашдан бош тортди.