Андижон вилояти ҳокими ўринбосари — оила ва хотин-қизлар бошқармаси бошлиғи лавозимида фаолият юритган Гулнора Абдуллаева лавозимидан озод этилди. Бу ҳақда вилоят ҳокимлиги матбуот хизмати хабар берди.
Қайд этилишича, Гулнора Абдуллаеванинг лавозимдан олинишига бошқа лавозимга ўтаётгани сабаб бўлган.
Гулнора Абдуллаева Избоскан туманида туғилган, 1989 йилда Тошкент давлат университетини, 2008 йилда Президент ҳузуридаги давлат ва жамият қурилиши академиясини тугатган.
2022 йил мартида ҳоким ўринбосари этиб тайинланган, унгача эса вилоят касаба уюшмалари ташкилотлари бирлашмаси раисининг ўринбосари лавозимида фаолият юритган.
Шунингдек, вилоят ҳокимлиги матбуот хизматига кўра, Гулнора Аҳмедова Андижон вилояти ҳокими ўринбосари — оила ва хотин-қизлар бошқармаси бошлиғи лавозимига тайинланган.
Гулнора Аҳмедова 1974 йилда Балиқчи туманида туғилган. 1996 йилда Андижон давлат университетини тамомлаган. Меҳнат фаолияти давомида умумтаълим мактаблари, касб-ҳунарга ўқитиш марказларида ўқитувчи, директор ўринбосари ва директор лавозимларида, туман аҳоли бандлигига кўмаклашиш маркази раҳбари ва МФЙда ҳоким ёрдамчиси лавозимларида ишлаган.
Ушбу лавозимга тайинлангунига қадар Ўзбекистон Савдо-саноат палатаси Андижон вилояти бошқармаси Шаҳрихон тумани бўлими раҳбари лавозимида фаолият юритиб келаётган эди.
Изоҳ (1)
Хаммага Ассалому Алайкум. Опамиз 1989 йилда, яъни 15 ёшларида институтни тамомлаган булсалар. демак 10 ёшларида мактабни тугатган эканлар. чунки 90 йилларда ОТМда укиш давомийлиги 5 йил булган. юкоридагиларни инобатга оладиган булсак, мактабга тугилибок чиккан булсалар керак ва орала бир синф сакраганлар хам. Отсутствие логики,позор журналистики.