Ўзбекистон терма жамоаси ҳамда “Навбаҳор”, “Пахтакор” клубларининг собиқ бош мураббийи “Локомотив” клубида иш бошлаши мумкин. Бу ҳақда “Championat.асиа” сайти маълумот берди.
“Самвел Бабаян яна футболга қайтмоқда. Бизга маълум бўлишича, Бабаян янги мавсумдан Тошкентнинг “Локомотив” клубида иш бошлайди. Лекин, ҳозирча у бош мураббий бўладими ёки бошқа лавозимни эгаллайдими буниси номаълум”, дейилади сайт хабарида.
Маълумот учун, Самвел Бабаяннинг охирги иш жойи Наманганнинг “Навбаҳор” клуби бўлган. Мураббий Наманганда 2022 йил бошидан 2024 йил июль ойига қадар фаолият олиб борди. Бу давр ичида Бабаян 89 та ўйинда ишлаб 50 та ғалаба, 23 та дуранг ва 16 та мағлубият қайд этди.
Изоҳ (0)