«Эвертон» Алишер Усмонов ва унинг Россия компаниялари билан ҳамкорлик қилишдан бош тортди.
«Биз Россиянинг USM, «Мегафон» ва Yota компаниялари билан барча ҳомийлик келишувлари тўхтатилганини тасдиқлаймиз», — дейилади «Эвертон» баёнотида.
Усмоновга тегишли бўлган USM Holdings «Эвертон» стадионига ном қўйиш ҳуқуқига эгалик қиларди. «Мегафон» ва Yota эса 2020 йилдан Мерсисайд клуби аёллар жамоасининг титул ҳомийси ҳисобланарди.
Бундан ташқари, Усмоновнинг жияни Сарвар Исмоилов 2021 йилнинг июлида «Эвертон» директорлар кенгашидан ўрин олганди.
Аввалроқ Алишер Усмоновнинг Халқаро қиличбозлик федерацияси президенти лавозимини тарк этгани ҳақида хабар берилганди. Бунгача у Европа Иттифоқининг Россияга қарши санкциялари рўйхатига тушганди.
Изоҳ (0)