Италиялик чанғичи Матилда Лорензи машғулот чоғида вафот этди. Бу ҳақда Халқаро чанғи ва сноуборд федерацияси (FIS) сайтида хабар берилди.
19 ёшли Лорензи катта тезликда бошқарувни йўқотиб трассадан учиб кетган ва бошини қорга қаттиқ урган. Спортчи интубация қилинган ва вертолётда Болзанодаги энг яқин шифохонага олиб кетилган, бироқ шифокорлар унинг ҳаётини сақлаб қола олмаган.
Маълумот учун, Лорензи бу йил гигант слалом бўйича Италия чемпионлигини қўлга киритди, ўсмирлар ўртасидаги жаҳон чемпионатида саккизинчи ўринни эгаллади.
Интубация тиббиётда беморнинг нафас йўлларига махсус найча (трубка) киритиш жараёнини англатади. Бу усул одатда бемор нафас ололмаётганида ёки у оғир жарроҳлик операциясидан ўтаётганида нафас олишни таъминлаш учун қўлланади. Интубация жараёнида трубка беморнинг оғиз ёки бурни орқали ўпкага киритилади ва у сунъий нафас олиш аппаратига уланади.
Изоҳ (0)