Бугун, 18-сентябрь куни ЖЧ—1990 нинг энг яхши тўпурари ва футболчиси Салваторе Скилачи 59 ёшда вафот этди. Италиялик собиқ спортчи бир неча йил давомида йўғон ичак саратони билан курашиб келган.
Бир кун аввал собиқ футболчининг оиласи унинг касалхонага ётқизилганини маълум қилганди. Шу билан бирга, Скилачининг аҳволи барқарор ва энг яхши шифокорлар назорати остида экани таъкидланган эди.
Маълумот учун, Скилачи 1997 йилда фаолиятини якунлаган. У “Ювентус” ва “Интер” каби Италиянинг топ клубларида ўйнаган.
1994 йилда футболчи Япониянинг “Жубило Ивата” клубига ўтди ва у ерда 1997 йилгача ўйнаб, фаолиятини айнан шу клубда якунлади.
1990 йилги Жаҳон чемпионатида Скилачи жамоаси билан бронза медалларини қўлга киритган. Ҳужумчи сўнгги бор Италия терма жамоасида 1991 йилнинг 25 сентябрида ўйнаган.
1990 йилда футболчи “Олтин тўп” совринини ҳам қўлга киритган.
Изоҳ (0)