Italiyalik chang‘ichi Matilda Lorenzi mashg‘ulot chog‘ida vafot etdi. Bu haqda Xalqaro chang‘i va snoubord federatsiyasi (FIS) saytida xabar berildi.
19 yoshli Lorenzi katta tezlikda boshqaruvni yo‘qotib trassadan uchib ketgan va boshini qorga qattiq urgan. Sportchi intubatsiya qilingan va vertolyotda Bolzanodagi eng yaqin shifoxonaga olib ketilgan, biroq shifokorlar uning hayotini saqlab qola olmagan.
Ma’lumot uchun, Lorenzi bu yil gigant slalom bo‘yicha Italiya chempionligini qo‘lga kiritdi, o‘smirlar o'rtasidagi jahon chempionatida sakkizinchi o‘rinni egalladi.
Intubatsiya tibbiyotda bemorning nafas yo‘llariga maxsus naycha (trubka) kiritish jarayonini anglatadi. Bu usul odatda bemor nafas ololmayotganida yoki u og‘ir jarrohlik operatsiyasidan o‘tayotganida nafas olishni ta’minlash uchun qo‘llanadi. Intubatsiya jarayonida trubka bemorning og‘iz yoki burni orqali o‘pkaga kiritiladi va u sun’iy nafas olish apparatiga ulanadi.
Izoh (0)