Италиялик сёрфингчи Жулиа Манфрини Индонезияда найзабалиқ билан тўқнашув оқибатида фожиали тарзда вафот этди. Бу ҳақда La Gazzetta dello Sport хабар бермоқда.
Хабар қилинишича, найзабалиқ сувдан сакраб чиқиб, 36 ёшли сёрфингчининг кўкрагига зарба берган. Фожиа жума, 18 октябрь куни эрталаб Ғарбий Суматрадаги Ментавай ороллари сувларида юз берган.
Жабрланувчига воқеага гувоҳ бўлган икки киши томонидан тез ёрдам кўрсатилган. Улар уни зудлик билан касалхонага олиб борган, бироқ спортчини сақлаб қолишнинг иложи бўлмаган.
Қайд этилишича, июнь ойида худди шундай ҳалокатли воқеа содир бўлган, ўшанда америкалик Эрик Сорекер вафот этган. 2023 йил декабрида италиялик Альберто Маркон найзабалиқ ҳужумига учраган. Спортчи олган жиддий жароҳатларга қарамай омон қолишга муваффақ бўлган.
Изоҳ (0)