25 октябрь — Ўзбекистон ички ишлар органлари ходимлари куни муносабати билан тантанали тадбир ташкил этилди. Унда президент матбуот котиби Шерзод Асадов Шавкат Мирзиёевнинг тизим ходимлари ва фахрийларига байрам табригини ўқиб эшиттирди.
Табрикда уларнинг халқ осойишталигини таъминлаш, тинчлик ва барқарорликни мустаҳкамлаш, жиноятчиликка қарши курашиш, ҳуқуқбузарликларнинг олдини олиш борасидаги катта хизматлари миннатдорлик билан эътироф этилди.
Ички ишлар органлари фаолиятини такомиллаштириш, уларни эл-юрт манфаатлари йўлида хизмат қиладиган халқчил ва профессионал тизимга айлантириш бўйича қилинган ишлар ва келгусидаги устувор вазифалар қайд қилинди.
Давлат раҳбарининг қутловида ички ишлар тизимидаги ўзгаришларнинг амалий натижасини аҳоли ўз кундалик ҳаётида доимо сезиши, ҳис этиши шартлиги таъкидланиб, тизим ходимларига эзгу тилаклар билдирилган.
-NqqssHdw.jpg)
24 октябрь куни Шавкат Мирзиёев “Ички ишлар органлари ходимлари куни муносабати билан бир гуруҳ ходимларни мукофотлаш тўғрисида”ги фармонни имзолаганди. Фармон билан мамлакатда жамоат хавфсизлиги, халқ осойишталигини таъминлаш, тинчлик ва барқарорликни мустаҳкамлашга қўшган муносиб ҳиссаси учун ички ишлар органлари ходимлари, хусусан, Ўзбекистон ички ишлар вазирининг маслаҳатчиси Зокиржон Алматов “Ўзбекистон Республикасида хизмат кўрсатган ёшлар мураббийси” фахрий унвони билан мукофотланди.
Тадбирда уларга мукофотлар топширилди.
Изоҳ (0)