АОКАда ўтказилган матбуот анжуманида Ички ишлар вазирлиги мутасаддилари президентнинг 2021 йил 26 мартдаги «Жамоат хавфсизлигини таъминлаш ва жиноятчиликка қарши курашиш соҳасида ички ишлар органлари фаолиятини сифат жиҳатидан янги босқичга кўтариш чора-тадбирлари тўғрисида»ги фармони асосида соҳада амалга оширилган ишлар ҳақида маълумот берди. Бу ҳақда «Дарё» мухбир хабар бермоқда.
Қайд этилишича, 127 нафар хизмат интизомини бузган ва 65 нафар маъмурий ҳуқуқбузарлик содир этган ходимларга тегишли чоралар кўрилган. Ўз хизмат вазифаларига масъулиятсизлик билан ёндашган 948 нафар профилактика инспекторлари интизомий жазоланиб, 176 нафари ички ишлар органларидан бўшатилган.
Профилактика инспекторларининг шахсий ташаббуси билан уларга пора таклиф қилган 24 нафар шахс ушланиб, қонуний чоралар кўрилган. Пора олишни рад этган профилактика инспекторлари жами 40 миллион 200 минг сўм миқдорида мукофотланган.
Изоҳ (0)