Тошкент шаҳар Юнусобод ва Янгиҳаёт туманларида тиланчилик қилган шахсларга нисбатан қонуний чора кўрилди. Бу ҳақда ИИББ хабар берди.
Маълум қилинишича, Юнусобод туманида автомобиль йўлида юрган ногиронлиги бор шахснинг видеоси ижтимоий тармоқларда тарқалгач, туман ички ишлар органлари ходимлари у билан профилактик суҳбат олиб борди.
“Тиланчилик қилаётганимда ички ишлар ходимлари кўриб, олиб келди. Эски-туски нарсалар, оёқ кийим тикардим. Ўзимнинг ишимга қайтаман. Давлат ходимлари тушунтирди, қонунга зид экан”, дейди эркак.
Шунингдек, профилактик тадбирлар давомида фарзандини тирикчилик манбайи қилиб олган, уларнинг ҳаётини хавф остида қолдираётган аёллар ҳам учраган. Уларнинг кўпчилиги 40 ёшдан ошмаган аёллар экани таъкидланди.
Ерости ўтиш йўлида тиланчилик қилаётган икки нафар аёл шахсига аниқлик киритилиб, дастлабки ҳужжатлар расмийлаштирилди ва судга юборилди. Ҳуқуқбузарларга нисбатан маъмурий жазо қўлланилди.
Янгиҳаёт тумани ўтказилган рейд тадбирларида эса вояга етмаган икки қиз тиланчилик қилаётгани аниқланган. Қайд этилишича, улар асли Самарқанд вилоятидан бўлиб, Тошкент шаҳрига тиланчилик мақсадида келган. Ўсмирлар вояга етмаганларга ижтимоий ёрдам кўрсатиш марказига юборилган.
Аввалроқ Тошкентнинг Учтепа туманидаги масжидлар атрофи ва чорраҳаларда ўтказилган рейд давомида тиланчилик билан шуғулланиб юрган 26 нафар аёл аниқланган эди.
Изоҳ (1)
TUSHUNMIMAN , 40 YOSHGA YETMAGAN , KO'RSEN KO'PLARINI TO'RT MUNCHASI SOG , MANA MEN TRIKOTAJDA ISHLEMAN , BIZGA ISHCHI YETISHMAYABDI , DEYARLI BARCHA TRIKOTAJLARGA AYOLLAR YETISHMAYDI , ISH BILSA BILMASA OLISHADI O'RGATISHADI , O'SHA YERLARDA ISHLASHSIN