Енгил вазн тоифасида мусобақалада қатнашувчи россиялик UFC жангчиси Саид Нурмагомедов рақиб топа олмади ва унинг Абу-Даби бўлиб ўтадиган UFC 308 мусобақасидаги жанги бекор қилинди.
Маълумот учун, дастлаб Нурмагомедов Даниэль Сантосга қарши жанг ўтказиши керак эди, бироқ бразилиялик спортчи тайёргарлик жараёнида жароҳат олиб, жангни тарк этишга мажбур бўлганди. Россиялик спортчи вақт қисқалиги боис бошқа рақиб топа олмади.
Саид сўнгги жангини 2023 йил октябрь ойида ўтказган ва биринчи раунддаёқ Муин Ғофуровни бўғиш усули билан мағлуб этганди. 32 ёшли жангчи 21 та жанг ўтказган бўлиб, уларнинг 18 тасида ғалаба қозонган. Унинг ҳисобида учта мағлубият бор.
Изоҳ (0)