Ўзбекистонлик яккакурашчи Маҳмуд Муродов 22 июль куни Лондонда ўтказилган UFC мусобақасида иштирок этди.
Муродов мазкур MMA оқшомида АҚШ вакили Брайан Барберенани очколар ҳисобига кўра мағлуб этди ва UFC’даги тўртинчи ғалабасини нишонлади.
Маҳмуд ушбу беллашувда 14 марта муваффақиятли тейкдаун амалга оширди. Бу кўрсаткич ўрта вазн дивизионидаги битта жанг учун рекорд ҳисобланади.
Битта жангдаги тейкдаунлар сони бўйича Муродов Деметриус Жонсон ва Кёртис Блейдсга етиб олди. Қайд этиш керак, бу икки жангчи 14 та тейкдаунни 5 раундлик жангда амалга оширган. Ўзбекистонлик спортчидан бу борада фақат Шон Шерк (16) ва Ҳабиб Нурмагомедов (21) олдинда.
Изоҳ (0)