Yengil vazn toifasida musobaqalada qatnashuvchi rossiyalik UFC jangchisi Said Nurmagomedov raqib topa olmadi va uning Abu-Dabi bo‘lib o‘tadigan UFC 308 musobaqasidagi jangi bekor qilindi.
Ma’lumot uchun, dastlab Nurmagomedov Daniel Santosga qarshi jang o‘tkazishi kerak edi, biroq braziliyalik sportchi tayyorgarlik jarayonida jarohat olib, jangni tark etishga majbur bo‘lgandi. Rossiyalik sportchi vaqt qisqaligi bois boshqa raqib topa olmadi.
Said so‘nggi jangini 2023-yil oktabr oyida o‘tkazgan va birinchi raunddayoq Muin G‘ofurovni bo‘g‘ish usuli bilan mag‘lub etgandi. 32 yoshli jangchi 21 ta jang o‘tkazgan bo‘lib, ularning 18 tasida g‘alaba qozongan. Uning hisobida uchta mag‘lubiyat bor.
Izoh (0)