Порье Ҳабибни Махачевдан кучлироқ жангчи эканини таъкидлади

Америкалик UFC жангчиси Дастин Порье Ҳабиб Нурмагомедов ва Ислом Махачев ўртасидаги ўхшашлик ва фарқлар ҳақида ўз фикрини билдирди.

UFC-302 мусобақасида Порье бешинчи раундда Махачевга мағлуб бўлган эди.

— Ҳабиб ва ​​Махачевнинг жанг услубларини таққослай оласизми?

— Партерга тортиш усули фарқланади, лекин рақибига босим қилиш жиҳатидан улар ўхшаш. Махачев клинчда кўпроқ ишлайди ва тос суягининг юқори қисмини ушлаб туради. Ҳабиб оёқларига борганди, яъни партерга киришда тананинг пастроқ қисмига ҳужумга ўтади.

Назаримда, Ҳабиб жисмонан кучлироқ. Усулга кириш пайтида Ислом жуда кучли босим ўтказишини ҳам алоҳида таъкидлаш жоиз. Барча жангчилар кучли, лекин Ислом бўғиш ҳолатида ушлаб турганида унинг чарчагани умуман сезилмади. Ўйлашимча, у октагонда яна камида беш дақиқа ўтказиши мумкин эди”, — деди Порье MMA Hour нашрига берган интервьюсида.