Бугунги кунда машҳур одамлар, табиийки, дарҳол шундай бўлиб қолмаган. Улар бир бўлак нон топиш учун ҳар қандай ишни қилишга мажбур бўлган. Мисол учун, Брэд Питт товуқ костюмида йўл четида туриб, ўткинчиларни ресторанга чақирган.
Брэд Питт
Брэд Питт актёрлик карьерасидан олдин Лос-Анжелесдаги El Pollo Loko ресторанида ишлаётганида ўз истеъдодини намоён этган. Питт товуқ костюмини кийиб, кўчада ўткинчиларни El Pollo Loko ресторанига ташриф буюришга жалб қилиши керак эди. Бу ҳақда актёрнинг ўзи телекўрсатувлардан бирида айтиб ўтади. “Мен бундан уялмайман, одам нимадир ейиши керак-ку ахир”, дейди актёр.
Бундан ташқари, актёр юк ташувчи, шунингдек, шахсий такси ҳайдовчиси бўлиб ишлаган.
Ҳью Жекман
Бугунги кунда Ҳью Жекман энг машҳур актёрлардан биридир. Аммо фаолиятини бошлашдан олдин бўлажак актёр кўплаб соҳаларда ишлашига тўғри келади. Шундай қилиб, Жекман бир мунча вақт болалар байрамларида масхарабоз бўлади.
Мен масхарабоз Коко эдим. Менинг арсеналимда фокуслар йўқ эди. Туғилган кунларнинг бирида 6 ёшли бола ўрнидан туриб, баланд овозда: “Ойи, бу қандайдир қўрқинчли масхарабоз-ку, у ҳатто фокус кўрсатишни ҳам билмайди!” деганди. Ва бу борада у ҳақ эди.
Кейинчалик Ҳью 7-Eleven дўконида кассир бўлиб ишлаган. Аммо мижозлар билан жуда кўп гаплашгани учун 6 ҳафтадан сўнг у ердан бўшатилади. Бундан ташқари, Ҳью Жекман инглиз мактабларидан бирида жисмоний тарбия ўқитувчиси бўлиб ҳам ишлаган.
Крис Ҳемсворт
Жимми Феллоннинг шоусида Marvel оламидаги Тор роли билан машҳур актёр Крис Ҳемсворт бир пайтлар дорихонада ишлаганини тан олади. Унинг вазифаси дорихона ижарага берадиган кўкрак насосларини тозалаш ва таъмирлаш эди.
Бугунги кунда Крис Голливуднинг энг кўп изланувчан етакчи актёрларидан бири бўлиб, кўплаб блокбастер фильмларда роль ўйнаган.
Мадонна
1978 йилда ҳеч ким танимайдиган Мадонна Луиза Чикконе Детройтдан Нью-Йоркка карьера бошлаш умидида келади. Унинг чўнтагида атиги 35 доллар бор эди, шунинг учун бўлажак юлдуз тўғри келган ишлар билан шуғулланган. 2015 йилда берган интервьюсида Мадонна Dunkin’s Donuts кафелар тармоғида ишлаганини айтади. Аммо у ерда фақат бир ҳафтагина ишлайди.
“Мен пишириқлар ичини мураббо билан тўлдиришга мўлжалланган машинага қарардим, — деб тан олади Мадонна. — Бир куни тасодифан мижознинг устига мураббо тўкиб юборганман”.
Хонанда, шунингдек, Dunkin’s Donuts ходимлари “ўз ишига жиддий қарамагани” учун ундан ғазабланганини айтади. Бугунги кунда эса Мадонна сайёрадаги энг машҳур қўшиқчи ҳисобланади.
Рэйчел МакАдамс
2002 йилда Рэйчел МакАдамс “Ажойиб пирог” фильмида ўйнайди, роли учун у Genie мукофотига (Канаданинг энг нуфузли кино мукофоти) номзод бўлади. Актриса “Ярамас қизлар” (2004) фильмидаги Регина Жорж ролидан кейин ҳақиқий машҳурликка эришади. Аммо актрисалик карьерасидан олдин Рэйчел 3 йил давомида машҳур фастфуд тармоқларидан бирида ишлаган.
“Мен унчалик масъулиятли ходим эмас эдим. Бир марта мен ҳатто апельсин шарбати чиқарадиган автоматни бузиб қўйганман”, — деб эслайди актриса интервьюсида.
Ҳелли Бэрри
Ҳелли Бэрри фаолиятини 1980 йилларда модель сифатида бошлаган, ҳатто 1986 йилда “Дунё гўзали 1986” танловида 6-ўринни эгаллаган. 1989 йилда бўлажак мушук аёл актёрлик фаолиятини давом эттириш учун Нью-Йоркка кўчиб ўтади. Аммо 3 ойдан кейин пули тугагач, бир мунча вақт уйсизлар бошпанасида яшашга мажбур бўлади. Ўша йилнинг охирига келиб, у қисқа муддатли “Тирик қўғирчоқлар” телесериалида модель сифатида роль ўйнагач, молиявий аҳволи бир оз яхшиланади.
Айтганча, ўша сериалнинг эпизодларидан бирини суратга олиш пайтида актриса комага тушиб қолган. Унга 1-тоифа қандли диабет ташхиси қўйилган. “Тирик қўғирчоқлар” лойиҳаси тугатилгандан сўнг, Берри Лос-Анжелесга кўчиб ўтади. Бугунги кунда Ҳелли Бэрри Голливуднинг энг кўп маош олувчи актрисаларидан бири бўлиб, кўплаб мукофотлар совриндори ҳисобланади.
Изоҳ (0)