Бельгиядаги Шарлеруа халқаро аэропорти хусусий хавфсизлик компанияси ходимларининг иш ташлаши сабабли барча учиб кетиш рейсларини бекор қилди. Бу ҳақда аэропорт матбуот хизмати хабарида айтилади.
“22 октябрь, сешанба куни хавфсизлик хизмати ходимларининг иш ташлаши ва бунинг оқибатида хавфсизликни таъминлаш учун ходимлар етишмаслиги сабабли ушбу санада Шарлеруа аэропортидан учадиган барча рейслар бекор қилинди”, дейилади хабарда.
Аэропорт рейсларни қабул қилишни давом эттиради ва 23 октябрь, чоршанба кунидан одатий иш тартибига қайтиш режалаштирилмоқда.
Аввалроқ Boing иш ташлашни олдини олиш учун 33 минг ишчининг маошини рекорд даражада ошириши хабар берилганди.
Мутахассислар ходимларнинг иш ташлаши Boing’га тахминан 3 миллиард доллар зарар келтириши мумкинлигини ҳисоб-китоб қилишган.
Изоҳ (0)