Ўзбекистонда эпидемиологик вазият барқарорлигини сақлаб қолиш ва мамлакат ҳудудига коронавируснинг «омикрон» штамми кириб келишига йўл қўймаслик мақсадида Республика махсус комиссияси бир қатор янги тартиб ва чекловлар белгилади, деб хабар бермоқда Соғлиқни сақлаш вазирлиги матбуот хизмати.
Унга кўра, эндиликда хорижий давлатлардан Ўзбекистонга ташриф буюрувчилар:
- мамлакатга ташриф буюришидан камида 72 соат олдин топширилган коронавирус инфекциясига ПЗР тест натижаси бўйича манфий кўрсаткичга эга маълумотномага эга бўлиши лозим;
- коронавирус инфекциясига ПЗР тест натижаси бўйича манфий кўрсаткичга эга маълумоти мавжуд бўлмаганда, аэропорт, темир йўл вокзаллари ва чегара ўтказиш пунктларида ташкил этилган коронавирус инфекциясига экспресс тест топширишлари шарт.
Бундан аввал Республика махсус комиссияси қарори билан Ўзбекистон эпидемиологик вазият мураккаб бўлган бир қатор давлатлар билан халқаро авиақатновларни тўхтатиши ҳақида хабар берилган эди.
Изоҳ (0)