American Boing kompaniyasi avvalroq mashinistlar va aerokosmik ishchilar xalqaro assotsiatsiyasining ikkita mahalliy bo‘limi bilan kompaniyaning 33 mingdan ortiq xodimlari manfaatlarini ifodalovchi yangi shartnoma shartlarini kelishib oldi, deyiladi kompaniya bayonotida.
To‘rt yillik shartnoma tasdiqlansa, Vashington, Oregon (Portlend) va Kaliforniya shtatlarida ishchilar uchun bazaviy ish haqi kompaniya tarixidagi eng yuqori darajada — 25 foizga oshadi.
Bundan tashqari, ularning har biriga 3 ming dollardan bir martalik to‘lov to‘lanadi.
Gap birinchi navbatda 737 MAX, 767, 777/777X, P-8, KC-46A Tanker va E-7 Wedgetail samolyotlarini ishlab chiqarishda ishtirok etgan xodimlar haqida ketmoqda.
Shartnoma Vashington shtatida yangi Boing samolyotlarini ishlab chiqarishni ham o‘z ichiga oladi. Bu assotsiatsiyaning asosiy talablaridan biri edi, deb yozadi Associated Press.
Avvalroq Kasaba uyushmasi agar murosaga erishilmasa, ish tashlash bilan tahdid qilgandi. Shartnomani ratifikatsiya qilish bo‘yicha ovoz berish 12-sentyabr, payshanba kuni bo‘lib o‘tadi.
Mutaxassislar xodimlarning ish tashlashi Boingga taxminan 3 milliard dollar zarar keltirishi mumkinligini aytishmoqda.
Izoh (0)