Футбол бўйича Бельгия терма жамоаси ва Италиянинг «Рома» клуби футболчиси Раджа Найнгголан Брюсселдаги порташлар қурбонига айланиши мумкин эди. Бу ҳақда «Championat.com» хабар берди.
«Ҳозир ҳаммаси жойида. Бахтни қарангки, ҳозир мен Антверпендаман ва Брюсселга бормадим. Ваҳоланки, кеча тонгда айнан Бельгия пойтахтида бўлишим керак эди», — деди футболчи.
«Ҳозир Антверпенда ҳам хавотирли ҳолат ҳукмрон, телефонлар ишламаяпти, эркин ҳаракатланиш имкони кам, янги эълонлар бўлгунига қадар болаларни мактабдан қолдирмаяпмиз. Кўчага юк билан чиққан ҳар қандай одамни текширяпти», — деди Найнгголан.
«Агар ҳомийлик тадбири бўлмаганида, тонгда террорчилар ҳужум қилган аэропортда бўлардим. Агар ҳомий олдидаги мажбуриятларим бўлмаганида эди, Римдан тўғри Брюсселга учардим, бироқ бунинг ўрнига Антверпенга келдим», — дейди бельгиялик футболчи.
«Менга терма жамоа машғулотлари қолдирилгани ва кейинги кўрсатмаларни кутишимиз кераклиги ҳақида маълум қилишди. Ҳозир нима бўлишини, Португалия билан ўйин бўладими-йўқми, билмаймиз», — деди «Рома» футболчиси.
«Аэропортда портлаш юз бергани ҳақида хабар беришлари билан, тез орада яна портлашлар содир бўлишини тахмин қилгандим. Афсуски, ҳақ бўлиб чиқдим. Террорчилар Антверпенга ҳам етиб келиши мумкинлигидан хавотирда эдим», — дея қўшимча қилди футболчи.
Эслатиб ўтамиз, 22 март, сешанба куни Бельгия пойтахтидаги аэропорт ва метрода камида учта портлаш юз берди. Сўнгги маълумотларга кўра, ҳодиса оқибатида 34 киши ҳалок бўлган.
Изоҳ (0)