Ўртоқлик ўйини. “Барселона” Пау Викторнинг дубли эвазига “Реал”ни мағлуб этди

Испаниянинг икки гранди “Реал” ва “Барселона” жамоалари 4 август тонгида ўртоқлик ўйинида иштирок этди.

Мавсум бошланишига тайёргарлик мақсадида ўтказилган ўйиннинг биринчи бўлими охирида каталонияликлар футболчиси Пау Виктор ҳисобни очди. 

Иккинчи бўлим бошида мадридликлар кичик устунлик билан бошлади. Бироқ 54-дақиқага келиб, яна “кўк-анорранглилар”, яна Пау Виктор гол уришга муваффақ бўлди.

82-дақиқада Мадрид клуби аъзоси Нико Паз ҳисобни қисқартирди. Қолган дақиқаларда дарвозалар ишғол этилмади ва учрашув “Барселона”нинг ғалабаси билан якунланди.

Ўртоқлик учрашуви

4 август, якшанба

“Реал” — “Барселона” 1:2

Голлар: 0:1 – 42 Виктор, 0:2 – 54 Виктор, 1:2 – 82 Паз.

“Реал Мадрид”: Куртуа, Фран Гарсия (Обрадор, 68), Рюдигер (Рамон, 68), Милитао (Мартинез Лозано, 57), Васкес, Себальос (Агуадо Ҳеррера, 77), Мартин, Модрич, Браим Диас (Винисиус Жуниор, 57), Гюлер, Эндрик (Паз, 68).

“Барселона”: тер Стеген (Пеня, 65), Балде (Мартíн Лангрео, 46), Мартинес (Фае, 65), Кристенсен (Домингуэз Вилориа, 46), Вале (Форт, 65), Бернал Касас (Гюндоган, 77), Касадо (Дарвиш, 77), Эрнандес (Хунент, 46), Торре (Фернандез Касино, 64), Виктор (Рафинья, 65), Левандовски (Роке, 77).

Огоҳлантиришлар: Бернал Касас (67), Мартин (76), Рамон (90), Фернандез Касино (90+2).