Футбол бўйича Ўзбекистон миллий терма жамоаси 16 ноябрь, чоршанба куни Тошкентдаги «Пахтакор» стадионида Қозоғистонга қарши ўртоқлик ўйини ўтказди.
Учрашувнинг 12-дақиқасида Ҳожимат Эркинов ўзбекистонликларни олдинга олиб чиқди. Биринчи бўлимнинг сўнгги дақиқасида Элдор Шомуродов рақиб дарвозабони билан бирга-бир вазиятга чиқиб борди ва имкониятдан унумли фойдаланди.
Иккинчи бўлимда ҳам икки жамоа вакилларида голга тортадиган вазиятлар бўлди, бироқ дарвозалар бошқа ишғол этилмади.
Сречко Катанец шогирдлари ноябрь йиғини доирасида навбатдаги ўртоқлик ўйинини 20 ноябрь куни Россия терма жамоасига қарши ўтказади.
Ўртоқлик учрашуви
16 ноябрь, чоршанба
Ўзбекистон — Қозоғистон 2:0
Голлар: 1:0 – 12 Эркинов, 2:0 – 45 Шомуродов.Ўзбекистон: Ўткир Юсупов, Умар Эшмуродов, Ҳусниддин Алиқулов, Рустам Ашурматов, Дилшод Saitoв (Шерзод Насруллаев, 69), Фаррух Сайфиев, Одил Ҳамробеков (Абдулла Абдуллаев, 90+2), Отабек Шукуров, Азиз Турғунбоев (Остон Ўрунов, 69), Ҳожимат Эркинов (Сардор Собирхўжаев, 69), Элдор Шомуродов (Игорь Сергеев, 84).
Қозоғистон: Игорь Шацкий, Сергей Малий, Нурали Алип, Аслан Дарабаев (Бахтиёр Зайнутдинов, 46), Асхат Тагиберген, Элхан Астанов (Исламбек Куат, 80), Михаил Габишев (Багдат Каиров, 73), Абат Аймбетов (Айбар Жаксиликов, 73), Тимур Досмагамбетов (Дмитрий Шомко, 73), Рамазан Ўразов (Бауиржан Исламхан, 68), Александр Марочкин.
Изоҳ (0)