Ўзбек шоу-бизнесида машҳурликка эришган санъаткорлар ҳозирги кунда реклама қилишнинг энг қулай воситасига айланган ижтимоий тармоқлардан ҳам қўшимча маблағ топади. «Дарё» мухбири Насиба Абдухамидова айрим санъаткорларнинг Instagram саҳифасида реклама постини жойлаштириш нархини ўрганди.
Шаҳзод Султонов
Ёш, истеъдодли актёрлардан бири Шаҳзод Султоновнинг Instagram саҳифасидаги реклама stories’ининг нархи 400-500 доллар, реклама постини жойлаштириш эса 1500 долларни ташкил этади. Саҳифадаги stories бир кун давомида сақланиб туради. Унинг Instagram саҳифасида бир миллионга яқин обуначи бор.
Баҳром Назаров
Хонанда Баҳром Назаровнинг Instagram саҳифасида бир миллиондан ортиқ обуначи бор. Унинг Instagram саҳифасидаги реклама stories’и 10 доллар, лентада пост жойлаштириш эса 500 доллар ҳисобланади. Stories’даги реклама бир кун давомида сақланиб туради, айрим рекламаларда хонанданинг ўзи ҳам иштирок этади.
Жаҳонгир Хўжаев
«Аристократлар» кулги жамоасининг аъзоси, актёр Жаҳонгир Хўжаев Instagram саҳифасида 3 миллион 800 мингдан ортиқ обуначи бор. Актёр ўзи иштирокидаги видеороликни 2500 доллар, фото постни 1000 доллар ва stories’ни 500 доллар эвазига саҳифасига жойлаштиради. Stories бир кун саҳифадан ўчирилмайди.
Жаноб Расул
Жаноб Расул Instagram саҳифасида реклама stories’ини 500 доллар, лентада реклама постинини эса 1000 доллар эвазига жойлаштиради. Рекламада хонанданинг ўзи иштирок этади. Унинг Instagram саҳифасида бир миллионда ортиқ обуначи бор.
Али Отажонов
Instagram саҳифасида бир миллиондан ортиқ обуначиси бўлган актёр, хонанда Али Отажоновнинг реклама stories’и нархи 250 долларни, пост жойлаш эса 750 долларни ташкил этади. Баъзи рекламаларда актёрнинг ўзи иштирок этади. Реклама бир кун давомида саҳифадан ўчирилмайди.
Достон Эргашев
Бир қанча хит тароналар ижрочиси Достон Эргашевнинг Instagram саҳифасига реклама постини 1500 доллар, stories’ни эса 500 долларга жойлаштириш мумкин. Рекламада хонанданинг ўзи иштирок этмаса ҳам нарх ўзгармайди ва stories бир кун саҳифадан ўчирилмайди. Унинг Instagram саҳифасида бир миллиондан ортиқ обуначи бор.
Умид Искандаров
Актёр Умид Искандаровнинг Instagram саҳифасида 340 мингга яқин обуначи бор. Унинг саҳифасида реклама постини 300 доллар, stories’ни эса 150 долларга жойлаштириш мумкин. Агар рекламада актёрнинг ўзи иштирок этса stories ва пост нархи 500 доллар бўлади.
Ҳамдам Собиров
«Тентакчам», «Мактабимда», «Эсла мени» каби хит тароналар ижрочиси Ҳамдам Собировнинг Instagram саҳифасига реклама stories’ини 500 доллар, лентадаги постни эса 1000 доллар эвазига жойлаштириш мумкин. Рекламада хонанданинг ўзи иштирок этмаса нарх ўзгариши мумкин. Унинг Instagram саҳифасида 707 мингдан ортиқ обуначи бор.
Ёрқинхўжа Умаров
Саҳифасида 1 миллиондан ортиқ обуначиси бўлган хонанда Ёрқинхўжа Умаров ўзи иштирок этмаган реклама stories’ини 300 доллар, реклама постини 700 долларга жойлаштиради. Рекламада хонанданинг ўзи иштирок этса stories нархи 500 доллар, реклама пости 1000 доллар бўлади. Stories саҳифада бир кун сақланиб туради.
Сардор Тоиров
Хонанда Сардор Тоиров Instagramдаги саҳифасига 500 доллар эвазига stories ва 1000 доллар эвазига реклама постини жойлаштиради. Рекламада унинг ўзи иштирок этса нарх бироз кўтарилади. Хонанданинг Instagram саҳифасида 760 мингга яқин обуначи бор.
Мавзуга доир:
- 200 дан 10 минг долларгача: Юлдуз Усмонова, Муниса Ризаева ва бошқа аёл санъаткорларнинг Instagram'даги саҳифасига реклама бериш нархи қанча?
- 15 сония учун 500 доллар. Ўзбекистонлик таниқли вайнерларнинг Instagram’даги реклама нархи қанча?
- Ўзбек шоу-бизнеси вакиллари Instagram’дан қанча пул топади?
Изоҳ (0)