2024 йил 13 ноябрда CАEх Build&Cо халқаро ихтисослаштирилган қурилиш кўргазмасининг очилиши бўлиб ўтади. Тадбир қурилиш бозори ва дизайн соҳасининг етакчи вакилларини жалб этиш, потенциал мижозлар, ҳамкорлар ва таъминотчилар билан мулоқот майдонини яратиш, шунингдек, стратегик режаларни муҳокама қилиш ва янги шартномалар тузиш мақсадида ташкил этилган. Кўргазма Тошкент шаҳрида, CАEх кўргазмалар марказида бўлиб ўтади ва 15 ноябргача давом этади.
Соҳа истиқболлари
Ўзбекистоннинг қурилиш соҳаси сўнгги йилларда барқарор ўсишни кўрсатмоқда ва мамлакат иқтисодиётида муҳим аҳамият касб этмоқда. Ўзбекистон Республикаси Статистика агентлиги маълумотларига кўра, 2024 йилнинг январь июнь ойларида мамлакатимизда бажарилган қурилиш ишлари ҳажми 79,8 триллион сўмни ташкил этиб, ўтган йилнинг шу даврига нисбатан 10,1 фоиз юқори бўлган. 2024 йил 1 июнь ҳолатига кўра, Ўзбекистонда қурилиш соҳасида фаолият юритаётган 31 085 та корхона ва ташкилот рўйхатдан ўтган, уларнинг 7 110 таси Тошкент шаҳрида жойлашган. Ушбу маълумотлар нафақат соҳанинг ривожланишини, балки қурилиш компанияларининг бозордаги етакчи ўринларини сақлаб қолиш ва мустаҳкамлаш учун соҳа тадбирлари, анжуманлар, кўргазмаларда иштирок этишининг долзарблигини ҳам кўрсатиб бермоқда.
Бундай тадбирлар нафақат тажриба алмашиш ва илғор технологияларни жорий этиш учун янги имкониятлар яратади, балки маҳаллий ва хорижий компаниялар билан ҳамкорлик алоқаларини ўрнатиш учун майдон вазифасини ҳам бажаради. Кўргазмаларда ўз ютуқларини намойиш этиш орқали бизнес доирасини кенгайтириш ва янги бозорларга кириб бориш имконияти яратилади. Бу, айниқса, қурилиш соҳаси мунтазам ривожланиб бораётган ва янги технологиялар жорий этилаётган ҳозирги шароитда жуда муҳимдир.
Кўргазма бўлимлари
Компаниялар кўргазманинг 10 дан ортиқ йўналишларида қатнашиш имкониятига эга. Иштирокчилар ва ташриф буюрувчилар учун қулайлик яратиш мақсадида кўргазма қуйидаги мавзули бўлимларга ажратилган: “Қурилиш махсус техникалари”, “Қурилиш материаллари”, “Жиҳозлар ва асбоб-ускуналар”, “Дераза технологиялари”, “Панел ва молдинглар”, “Эшиклар ва қулфлар”, “Керамика ва пардоз материаллари”, “Том ёпиш қопламалари”, “Обойлар, бўёқлар ва декоратив сувоқлар”, “Пол қопламалари” ва бошқалар.
Бундан ташқари, бу йилги кўргазмада нафақат қурилиш маҳсулотлари, балки дизайн ва интерер ечимлари ҳам тақдим этилади. Мутахассисларнинг фикрича, бундай уйғунлик турдош соҳалар мутахассисларини кўпроқ жалб қилиш ва иштирокчилар фаолиятининг самарадорлигини ошириш имконини беради. Ташриф буюрувчилар учун эса бу қурилиш, таъмирлаш ва дизайн масалаларини бир жойда ҳал қилиш учун ноёб имконият яратади, бу эса вақтни сезиларли даражада тежайди.
Соҳанинг долзарб масалалари ва ривожланиш тенденцияларини муҳокама қилиш
Ишбилармонлик дастури турли хил тадбирларни ўз ичига олади. Жумладан, тадбир доирасида панел мунозаралари ўтказилади, унда ишлаб чиқарувчилар, қурилиш саноати ва дизайн соҳаси вакиллари соҳанинг замонавий тенденциялари, шунингдек, қурилиш ва таъмирлаш материалларидан фойдаланишнинг долзарб усулларини муҳокама қиладилар. Иштирокчилар мазмунли дастур орқали экспертлар ҳамжамияти вакиллари билан тажриба алмашиш ва қурилиш соҳасидаги сўнгги янгиликлардан хабардор бўлиш имкониятига эга бўладилар.
Бизнесни ривожлантириш учун имкониятлар
Тадбир доирасида харид дастури ташкил этилади. Бу дастур иштирокчиларга баерлар билан бевосита мулоқот қилиш, маҳсулотларини намойиш этиш, ҳамкорлик шартларини муҳокама қилиш ва фойдали шартномалар тузиш имкониятини тақдим этади. Байерлар - бу янги таъминотчиларни излаш ва бозорни ўрганиш мақсадида кўргазмага ташриф буюрадиган улгуржи харид билан шуғулланувчи компаниялар. Шу сабабли, кўргазма нафақат маҳсулотларни намойиш этиш, балки савдо географиясини кенгайтириш ва харидорлар сонини кўпайтириш учун самарали воситаларни тақдим этади.
Компаниялар CАEх Build&Cо. кўргазмасида ўз стендини банд қилиши ва иштирок этиши мумкин. Батафсил маълумотларни унинг расмий веб-сайтидан олишингиз мумкин. Қўшимча маслаҳат учун +998 78 113-33-33 рақамига мурожаат қилинг.
Манзил: CАEх кўргазма маркази, Мирзо Улуғбек тумани, “Баркамол” МФЙ, Миллий боғ кўчаси, 1-уй.
Сайт: buildco.caexuzbekistan.com
Instagram: @caex_build_co
Telegram: т.ме/cаэхузбекистан
Реклама ҳуқуқи асосида
Изоҳ (0)