Тошкент шаҳрининг Чилонзор туманида 4 000 қути қалбаки дори воситаларини сотаётган шахслар ушланди, деб хабар бермоқда Бош прокуратура ҳузуридаги департамент.
Маълум қилинишича, фуқаролар А.А. ва Д.А. сохта сертификатга эга бўлган жами 4 минг қути “Хитофер-S 5 мл” номли дори воситасини фуқаро М.Х.га 43 750 долларга сотган вақтида ашёвий далиллар билан ушланган.
Ўтказилган экспертиза хулосаларига кўра, ашёвий далил сифатида олинган ушбу дори воситалари қалбакилаштирилганлиги қайд этилган.
Мазкур ҳолат юзасидан Жиноят кодексининг 186-3-моддаси (сифатсиз ёки қалбакилаштирилган дори воситаларини ёхуд тиббий буюмларни ўтказиш мақсадида ишлаб чиқариш, тайёрлаш, олиш, сақлаш, ташиш ёки ўтказиш) билан жиноят иши қўзғатилиб, тергов ҳаракатлари ўтказилмоқда.
Аввалроқ Тошкентда қарийб 200 млн сўмлик дори воситаларининг ноқонуний савдосига чек қўйилганди.
Изоҳ (0)