Ўзбекистонда тезкор тадбирда олинган фармацевтика маҳсулотлари экспертизадан ўтказилди

Ўзбекистонда январь ойида ўтказилган тезкор тадбирда фармацевтика маҳсулотлари экспертизадан ўтказилди.

Мазкур тезкор тадбир сифатсиз ва қалбаки дори воситалари ҳамда тиббий буюмларнинг Ўзбекистон ҳудудига кириб келиши, рўйхатдан ўтказилган дори воситаларининг эса ғайриқонуний нусхалари айланмасига чек қўйиш мақсадида ташкил этилди. Аниқланган 408 ҳолатда дори воситалари экспертиза учун Фармацевтика маҳсулотлари хавфсизлиги марказига тақдим қилинди.

Ушбу маҳсулотлар Марказ лабораторияларида текширилганда 10 006 ўрамдаги дори воситалари ва тиббий буюмларнинг тиббиёт амалиётида қўллаш мумкин эмаслиги аниқланди. Жумладан:

2115 ўрам — давлат рўйхатидан ўтган; 
2756 ўрам — давлат рўйхатидан ўтмаган;
2756 ўрам — мувофиқлик сертификати мавжуд бўлмаган;
2115 ўрам — мувофиқлик сертификати мавжуд;
241 ўрам — ёрлиқлаш кўрсаткичи бўйича (контрафакт);
23 ўрам — яроқлик муддати тугаган (сифатсиз);
46 ўрам – қалбакилаштирилган.

Таҳлиллар натижаси бўйича тегишли хулосалар таъсир чораларини кўриш учун ҳуқуқни муҳофаза қилиш органларга тақдим қилинди.