Toshkent shahrining Chilonzor tumanida 4 000 quti qalbaki dori vositalarini sotayotgan shaxslar ushlandi, deb xabar bermoqda Bosh prokuratura huzuridagi departament.
Maʼlum qilinishicha, fuqarolar A.A. va D.A. soxta sertifikatga ega bo‘lgan jami 4 ming quti “Xitofer-S 5 ml” nomli dori vositasini fuqaro M.X.ga 43 750 dollarga sotgan vaqtida ashyoviy dalillar bilan ushlangan.
O‘tkazilgan ekspertiza xulosalariga ko‘ra, ashyoviy dalil sifatida olingan ushbu dori vositalari qalbakilashtirilganligi qayd etilgan.
Mazkur holat yuzasidan Jinoyat kodeksining 186-3-moddasi (sifatsiz yoki qalbakilashtirilgan dori vositalarini yoxud tibbiy buyumlarni o‘tkazish maqsadida ishlab chiqarish, tayyorlash, olish, saqlash, tashish yoki o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Toshkentda qariyb 200 mln so‘mlik dori vositalarining noqonuniy savdosiga chek qo‘yilgandi.
Izoh (0)