Samarqandda yuqori tezlikda ketayotgan Range Rover Lacetti va Damas’ni urib yubordi. Bu haqda viloyat YXHB matbuot xizmati xabar berdi.
Ma’lum qilinishicha, 10-oktyabr kuni soat 01:00 larda Samarqand shahar “Zulfiya” mahallasi hududidan o‘tuvchi Buyuk Ipak yo‘li ko‘chasida, haydovchi Range Rover rusumli avtomobilini yuqori tezlikda boshqarib kelib, e’tiborsizligi oqibatida rol boshqaruvini yo‘qotib o‘zi bilan bir yo‘nalishda harakatlanib ketayotgan Lacetti Optra avtomobili orqa tomonidan urib yuborgan. So‘ng to‘xtay olmasdan shu yo‘nalishda yo‘l chetida to‘xtab turgan Damas’ga borib urilgan.
Oqibatda Lacetti Optra haydovchisi tan jarohatlari olib shifoxonada vafot etgan.
Hozirda holat yuzasidan Samarqand shahri bo‘yicha IIO FMB TB tomonidan jinoyat ishi qo‘zg‘atilib dastlabki tergov harakatlari olib borilmoqda.
Izoh (0)