Франция кинематографияси рамзи Жейн Биркинга тегишли бўлган асл Hermes Birkin сумкаси Сотҳебйъс кимошди савдосида 7 миллион еврога сотилди. Бу ҳақда Associated Press хабар берди. Савдо 1 миллион евродан бошланди. Sotheby’s вакилининг айтишича, якуний нарх сумка сотилиши бўйича янги рекорд ўрнатди.
Илгари кимошди савдосида сотилган энг қиммат аксессуар Hermes сумкасининг бошқа модели — тимсоҳ терисидан ясалган ва олмослар билан безатилган Retourne Kelly 28 эди. Харидор уни ярим миллион долларга сотиб олганди.
Бу афсонавий аксессуар 1984 йилда Биркин учун махсус тайёрланган эди. Айнан шу актриса шарафига номланган сумка кейинчалик барча Birkin сумкаларига асос бўлди.
Асл сумка замонавий Birkin’лардан бир оз фарқ қилади. Унинг ўлчами бошқача, тасмаси олинмайдиган, пастки қисмидаги михпарчинларнинг шакли ўзгача ва ички фермуар бошқа ишлаб чиқарувчига тегишли. Сумка тўпламига актриса ташқаридан осиб юрадиган соч учун қисқичи ҳам киради.
Жейн Биркин 1946 йил 14 декабрда Лондонда туғилган. Унинг карьераси Микеланжело Антонионининг “Фотокатталаштирув” ва Жек Смайтнинг “Калейдоскоп” фильмларида рол ўйнаганидан сўнг юксалди. Кейинчалик у 80 дан ортиқ фильмда суратга тушди ва 20 та мусиқа альбомини чиқарди. Актриса 2023 йилда 76 ёшида вафот этди.
Изоҳ (0)