Лондоннинг “Челси” клуби тез орада италиялик мутахассис Энзо Марескани бош мураббий лавозимига тайинланганини тасдиқлайди. Бу ҳақда Telegraph нашри хабар бермоқда.
Манбага кўра, “аристократлар” икки кун аввал “Лестер” билан италиялик футболчи борасида тўлиқ келишувга эришган. Бугун томонлар келишувнинг барча тафсилотларини ҳал қилади, адвокатлар эса ҳужжатларни расмийлаштириш устида ишламоқда. “Челси” бу тайинловни бугун, жума куни расман эълон қилиши кутилмоқда.
Энзо Маресканинг Лондон гранди билан шартномаси 2029 йилгача мўлжалланган. Шартномани яна бир йилга узайтириш ҳам мумкин. Олдинроқ “Лестер” “Челси”дан 44 ёшли мураббий учун тахминан 10 миллион евро миқдорида товон пули олиши хабар қилинганди.
Маълумот учун, “Челси” 21 май куни Почеттино билан шартномани ўзаро келишувга кўра бекор қилганини эълон қилди. Премьер Лиганинг сўнгги мавсуми якунига кўра, лондонликлар 63 очко жамғариб, олтинчи ўринни эгаллади.
Изоҳ (0)