Футбол бўйича Европа Чемпионлар Лигаси чорак финал жавоб баҳслари 18 апрель, сешанба куни бўлиб ўтди.
“Реал” сафарда “Челси” меҳмони бўлди. Ўйиннинг биринчи бўлимида дарвозалар ишғол этилмади. Иккинчи бўлимда “қаймоқранглилар” Лондон клубининг заиф нуқталаридан унумли фойдаланиб, 2 та гол урди. Ҳар иккала гол ҳам Родриго ҳисобига ёзилди.
Жамоалар ўртасидаги дастлабки баҳс Мадридда бўлиб ўтган ва унда ҳам Карло Анчелотти шогирдлари 2:0 ҳисобида зафар қучганди. Шу тариқа “Реал” ярим финал йўлланмасини қўлга киритди.
Яна бир чорак финал ўйинида “Наполи” ва “Милан” ўзаро баҳс олиб борди. Учрашувнинг 43-дақиқасида Оливье Жиру ҳисобни очди. Ўйин сўнгида эса Виктор Осимҳен ҳисобни тенглаштирди. Бироқ ушбу гол неаполликларга етарли бўлмади ва “Милан” икки ўйин натижасига кўра, ярим финал йўлланмасига эга чиқди.
Эслатиб ўтамиз, жамоалар ўртасидаги биринчи ўйинда “Милан” 1:0 ҳисобида ғалаба қозонганди.
ЕЧЛ
1/4 финал, жавоб баҳслари
18 апрель, сешанба
“Челси” (Англия) – “Реал” (Испания) 0:2
Голлар: 0:1 – 58 Родриго, 0:2 – 80 Родриго.
“Челси”: Аррисабалага, Жеймс, Тиаго Сильва, Чалоба, Фофана, Кукуреля (Мудрик, 68), Ковачич, Канте, Галлаҳер (Жоау Феликс, 67), Фернандес (Стерлинг, 67), Ҳаверц (Маунт, 77).
“Реал Мадрид”: Куртуа, Карвахаль (Начо, 82), Алаба (Рюдигер, 46), Милитао, Камавинга, Модрич, Кроос (Себальос, 76), Вальверде, Винисиус Жуниор, Родриго (Асенсио, 81), Бензема (Тчуамени, 71).
Огоҳлантиришлар: Милитао (22), Кукуреля (34), Жеймс (50), Мудрик (89).
“Наполи” (Италия) – “Милан” (Италия) 1:1
Голлар: 0:1 – 43 Жиру, 1:1 — 90+4 Осимҳен.
“Наполи”: Мерет, Ди Лоренцо, Жезус, Рраҳмани (Эстигор, 74), Мариу Руй (Оливера, 34), Лоботка, Зелиньски (Распадори, 74), Ндомбеле (Элмаз, 63), Политано (Лосано, 34), Кварасхелия, Осимҳен.
“Милан”: Менян, Калабрия, Кьер, Томори, Эрнандес, Крунич, Беннасер, Браим Диас (Мессиас, 59), Тонали, Рафаэл Леау (Салемакерс, 84), Жиру (Ориги, 68).
Огоҳлантиришлар: Эрнандес (45), Менян (45), Ди Лоренцо (45).
Изоҳ (0)