“Челси” ярим ҳимоячиси Коул Палмер аргентиналик мутахассис Маурисио Почеттинонинг Лондон клуби бош мураббийлигидан кетиши ҳақидаги хабарга ўз муносабатини билдирди.
“Мураббий, мен учун қилган барча ишларингиз ва орзуларимни амалга оширганингиз учун раҳмат. Барча яхшиликларни сизга тилайман”, — деб ёзди Палмер ижтимоий тармоқлардаги саҳифасида.
Маълумот учун, Маурисио Почеттино 2023 йилнинг ёзида “Челси” бош мураббийи этиб тайинланган. Бу даврда унинг қўл остида “аристократлар” барча турнирларда 51 учрашув ўтказиб, 27 марта ғалаба қозонган. Учрашувларнинг 10 тасида дуранг ўйнаган ва 14 марта мағлубиятга учраган.
Англия Премьер Лигасининг жорий мавсуми якунига кўра, “Челси” 63 очко жамғариб, олтинчи ўринни эгаллади.
Почеттино 20 ва 21 май кунлари клуб раҳбарияти билан учрашиб, ўзаро келишувга кўра, истеъфога чиқадиган бўлди.
Изоҳ (0)