“Челси” АПЛ доирасида ўтказилган 31 учрашув натижасига кўра 9-ўринда бормоқда. Аммо ёзда “Манчестер Сити”дан кўчиб ўтган Коул Палмер туфайли жамоа ҳали ҳам еврокубокларда иштирок этиш учун имкониятни сақлаб турибди.
Ёш англиялик футболчи голлар (20 та — Ҳоланд билан бир хил кўрсаткич) ва умумий самарали ҳаракатлар (Уоткинс билан бирга 29 та) бўйича лигада биринчи ўринни эгаллаб турибди.
Палмер “Челси”да 29 та голга сабабчи бўлди. Улардан 20 тасига ўзи муаллифлик қилган бўлса, 9 бор жамоадошларини тўп билан таъминлади. Бу Почеттино шогирдларининг лигадаги барча урилган голларнинг деярли ярми (61) дегани.
Палмернинг голлари ва голли узатмаларисиз “Челси” нечанчи ўринда бўларди? Ушбу сурат “Челси” жамоасининг ҳозирги очколар сони ва ўрнини ифода этади.
Палмернинг ҳаракатлари туфайли клуб олган очколарни олиб ташлаш эвазига футболчи келтирган очколар сонини ҳисоблаш мумкин.
Масалан, “Челси” “Эвертон”ни 6:0 ҳисобида мағлуб этди, Палмер 4 та гол урди. Унинг голларисиз ҳам жамоа ғалаба қозонган бўларди. Аммо “Манчестер Юнайтед”га қарши ўйинни (4:3) 21 ёшли англиялик футболчи тубдан ўзгартирди: унинг хет-трики бўлмаганида “Челси” 1:3 ҳисобида мағлуб бўлган бўларди, яни 3 очко йўқотар эди.
Албатта, алгоритм мукаммал эмас: жамоа ҳисобига белгиланган пенальтини бошқа футболчи аниқ амалга ошириши мумкин бўларди. Палмер 9 бор пенальтини амалга ошириб, барчасида гол уришга эришди.
Айнан қуйидаги жамоаларга қарши ўйинда Палмер жамоаси учун очко олиб келган голлар муаллифи бўлган. Агар унинг голлари бўлмаганда жамоа чемпионатнинг анча қуйи қисмидан ўрин олган бўлар эди.
Палмер жамоасининг кубок учрашувларида ҳам самарали иштирок этган.
● “Брайтон”га қарши Лига кубогидаги жамоасининг ягона голга ассистентлик қилди.
● Англия кубогида у “Лестер”га қарши бир гол ва бир ассистга муаллифлик қилди — якунда “Челси” 4:2 ҳисобида ғалаба қозонди.
Де Брюйне ўз ёшида Премьер Лигада 20 та гол ура олган эдими? Коул Кевиндан яхшироқ демоқчи эмасман, лекин унда бундай имконият бор.
У фаолиятини “Челси”да давом эттирадими ёки йўқми, билмаймиз, аммо ҳозирча клуб Палмер учун идеал жой. Баъзи одамлар бундай босим остида “ёрилиб” кетади, баъзилари эса ўз имкониятларини намойиш этади — у иккинчи тоифадаги футболчи, — дейди “Челси”нинг собиқ футболчиси Пет Невин.
“Челси”ни олдинда мавсумнинг энг қийин қисми кутмоқда. Аммо Палмер ҳам ўзининг ажойиб формасига эга бўлиб турибди. Жамоа кейинги ўйинни Англия Кубоги доирасида “Манчестер Сити”га қарши ўтказади. Учрашув 20 апрель, якшанба куни бўлиб ўтиши режалаштирилган.
Изоҳ (0)