Хоразмда қайнота элетроскутерни бошқариб бораётган келинининг ёнида ўтириб, унга шаҳвоний шилқимлик қилди. Бу ҳақда Олий суд ахборот хизмати “Дарё”га хабар берди.
Унга кўра, Р.Ҳ. 29 август куни элетроскутерни бошқариб бораётган келини А.Ў.ни ёнида ўтириб, унинг шаъни ва қадр-қимматини таҳқирлаб, тегажоғлик қилиб, белидан қучоқлаган ва кўкрагидан ушлаб, шаҳвоний шилқимлик ҳаракатларини содир қилган.
Эркак судда, айбига иқрорлик билдирмасдан, Ўртаёп қишлоғига бозорга озиқ-овқат маҳсулотлари сотиб олиш учун электроскутерни бошқариб бораётган келинининг ёнида ўтириб кетгани, шу вақтда спиртли ичимлик таъсирида бўлгани учун нима қилганини эслай олмаслигини, шаҳвоний шилқимлик қилмагани, ишни қонуний ҳал қилишни сўраб, тушунтириш берди.
Жабрланувчи судда, ҳақиқатан ҳам 29 август куни қайнотаси унга бозорга бориб уйга харажат қилиб келишини айтганини, электроскутерни бошқариб бозорга кетишганини, унинг ёнида ўтириб кетаётганида белидан қучоқлаб, кўкрагидан ушлаб, у билан жинсий алоқада бўлишини айтиб, шилқимлик қилганини, айтиб, унга нисбатан қонуний чора кўришни сўраган.
Суд ҳукмига кўра, эркак Маъмурий жавобгарлик тўғрисидаги кодекснинг 41-1-моддасининг 1-қисми билан айбли деб топилиб, унга шу модданинг 1-қисмига асосан, тўрт сутка маъмурий қамоққа олиш жазоси тайинланди.
Изоҳ (1)
Ja katta chora koʻriliptiku. Bunaqa ishlar boshqa davlat aholisi uchun ajablanarli emasdur. Lekin biz uchun bu fojea. Jazoni kuchayturish kerak. Men 4 yil boʻlsa kerak deb oʻylabman. Shuning uchin ham samosud koʻpayib ketadi. 4 kun oʻtirib chiqadida keyin kelinning akasimi kimidir uni qiynab oʻldiradi