Хоразм вилояти Шовот туманида қайнота ўзаро жанжал оқибатида келинини пичоқлаб ўлдирди. Бу ҳақда вилоят ИИБ ахборот хизмати хабар берди.
Қайд этилишича, Шовот тумани “Пахтакор” МФЙда истиқомат қилувчи 1961 йилда туғилган шахс 21 май куни соат 21:10 атрофида 33 ёшли келини билан ўзаро келишмовчилик натижасида жанжаллашиб қолган. Жанжал натижасида қайнота ошхона пичоғи билан келинининг кўкрак соҳасига бир маротаба уриб, тан жароҳати етказган. Келин олган тан жароҳати оқибатида воқеа жойида вафот этган.
Мазкур ҳолат юзасидан қайнотага нисбатан Жиноят кодексининг 97-моддаси (қасддан одам ўлдириш) 1-қисми билан жиноят иши қўзғатилган. Гумонланувчи процессуал тартибда ушланган.
Пичоқлаш билан якунланган оилавий жанжаллар
Сурхондарё вилоятида эркак қайнукаси томонидан, Самарқандда 70 ёшли эркак 60 ёшли қайнукаси томонидан пичоқланганди. Бухорода эр жанжал сабаб хотинини пичоқлагани, Жиззахда эр рашк сабаб аввал хотинини кейин эса ўзини пичоқлаб ўлдиргани, Вобкент туманида маст фуқаро қайнукасини пичоқлагани тўғрисида хабар берилганди.
Изоҳ (0)