Арнольд Шварценеггерни дунёга машҳур юлдузга айлантирган “Терминатор” фильмининг биринчи қисми 1984 йилда Оrion Pictures студияси томонидан суратга олинган. Франшиза ўттиз йилдан ортиқ давом этган кўп миллиард долларлик лойиҳага айланди ва ҳозиргача қайта томоша қилиш тавсия этиладиган фильмлар рейтингидан ўрин олиб келмоқда. Қуйида “Терминатор” фильми яратилиши билан боғлиқ қизиқарли маълумотларни тўплашга қарор қилдик.
Барчаси Жеймс Кемероннинг тушидан бошланди
Америкалик режиссёр Жеймс Кемерон даҳшатли туш кўрди, унда металлдан ясалган одам қиёфаси олов ичидан пайдо бўлиб, унга яқинлаша бошлади. Уйқуда кўзларини очган Жеймс дарҳол Терминаторнинг биринчи чизмаларини қоғозга бита бошлади. Кейинроқ у Жон Карпентернинг “Хеллоуин” фильмидан илҳомланиб, қоралама сценарийни ёзди.
Биринчи фильмда иккита Терминатор бўлиши керак эди
Дастлаб Жеймс Кемерон ёзган сценарийда бир вақтнинг ўзида иккита Терминатор — Т-800 ва Т-1000 иштирок этиши лозим эди. Режиссёрнинг фикрига кўра, икки қарама-қаршилик ўтмишга қайтиши ҳамда вақт оралиғидаги саёҳат давомида улардан бири ҳалок бўлиши керак эди. Фильм охирида фақат Кайл Риз қолиши режалаштирилган.
Терминатор ролини бошқа актёр ижро этиши керак бўлган
Жеймс Кемерон Арнольд Шварценеггерни бош ролга олишдан аввал режиссёрга бир нечта бошқа номзодлар таклиф этилган. Жумладан, Силвестр Сталлоне ва Мел Гибсон каби таниқли актёрлар фильмга жалб қилиниши керак бўлган, чунки кино студия томошабинлар эътиборига тушган юлдузни кўришни истар эди. Аммо Сталлоне ва Гибсонга сценарий истиқболли кўринмади ва улар таклифни рад этди.
Арнольд Шварценеггерга Кайл Риз образини таклиф қилмоқчи бўлишган
Шварценеггер биз таниган машҳур Терминаторни мукаммал даражада ижро этган бўлса-да, сценарийнинг бари бошқача бўлиши мумкин эди. Дастлаб Арнольдга Кайл Риз ролини ижро этиш таклифи берилган ва бу имконият актёрга ёққан, лекин режиссёр Шварценеггерни учратишдан аввал ундан қутулишни истади. Чунки фильмда янги қиёфа бўлишини хоҳламас эди.
Кунларнинг бирида Кемерон Шварценеггерни учратгач, актёрнинг ташқи кўриниши уни қизиқтириб қўйди ва у Терминатор ролига мос эканлигига ишонч ҳосил қилди.
Шварценеггер “Терминатор” муваффақиятли бўлишига ишонмас эди
“Терминатор” биринчи қисмининг премьерасидан сўнг, Арнольд Шварценеггер ва кино студия ходимлари Жеймс Кемероннинг ушбу лойиҳаси муваффақиятли чиқишига ишонмаганини тан олди. Шунга қарамай Арнольд бош ролни ижро этишдан қўрқмади, чунки фильм паст рейтинг эгаллаган тақдирда актёрни шунчаки ҳеч ким эътиборга олмаслиги ва лойиҳа унинг обрўсига путур етказмаслигига ишонар эди.
Арнольд ўзининг машҳур иборасини айта олмас эди
Шварценеггер 21 ёшигача Австрия ва Германияда яшаганлиги сабабли унинг инглиз тили даражаси жуда ёмон эди. Бу актёрлик карьерасининг бошида ўз аксини топди ва Арнольдга узун гаплари бўлмаган ёки умуман сўзлашиш шарт бўлмаган ролларни таклиф қилишар эди. Инглиз тилини яхши билмаганлиги сабабли Шварценеггер ҳатто ўзининг машҳур ибораси: “I will back”ни талаффуз қила олмас эди. “Мен ҳали қайтаман” сўзларини тўғри айтишни Арнольд узоқ вақт давомида машқ қилган.
Жеймс Кемерон баъзи саҳналарни рухсатсиз суратга олган
Деярли ҳар доим жамоат жойларида, ҳатто оддий кимсасиз кўчаларда ҳам фильм суратга олиш учун шаҳар мутасаддиларидан рухсат талаб этилади, бироқ бюджети чегараланган Жеймс Кемерон рухсатномаларни олишга улгурмади ва кўплаб саҳналарни тақиқланган жамоат жойларида суратга туширди. Фильмни суратга олиш гуруҳи баъзан полициядан қочишга мажбур бўлган.
Шварценеггер фильм учун астойдил тайёргарлик кўрган
Шварценеггер қаҳрамони ўқ узаётганда робот кўзлари бирор марта юмилмаслиги ҳамда милтиқни қайта ўқлаётганда қуролга қарамасдан ишни бажариши учун бир ой давомида отишма полигонига қатнаган. У ҳар куни бир неча соат давомида қуролни қисмларга ажратиш, қайта ўқлаш ва ўққа тутиш каби жангари амалларни бажаришни ўрганган.
Изоҳ (0)