Америкалик актёр ва Калифорния штатининг собиқ губернатори Арнолд Шварценеггер юрак жарроҳлиги амалиётини ўтказди. Бу ҳақда “Корреспондент.нет” хабар берди.
Аввалги операциялардан сўнг юрак ички қисмида юзага келган чандиқлар юрак уришининг бузилишига олиб келди. Шу туфайли жарроҳлар томонидан актёрга янги кардиостимулятор ўрнатилди.
Аслида Шварценеггер шахсий ҳаёти ва соғлиғи ҳақидаги маълумотларни мухлислар билан баҳам кўришни истамайди, бироқ актёр юрак нуқсони билан туғилган бошқа кўплаб инсонлардан тўхтовсиз савол ва мактублар олгач, уларни қўллаб-қувватлаш ва беморларга умид бахш этиш учун операцияси ҳақида айтиб ўтишга қарор қилди:
“Ўтган душанба куни мен қисман машинага айландим: юрагимни операция қилишди ва кардиостимулятор ўрнатишди. Айтиб ўтиш жоизки, соғлигим ҳақида барчага маълумот бериш ватаним Австрияда олган тарбиямга зид. У ерда инсонлар ички муаммолари ҳақида ошкора сўзлашмайди”.
Сўнг Шварценеггер мухлисларини хурсанд қилиш учун операция муваффақиятли ўтгани ва тез орада оёққа туриши ҳақида айтиб ўтди:
“Аввало шуни билишингизни истардимки, ҳозирда ўзимни анча яхши ҳис этяпман”.
Изоҳ (0)