Arnold Shvarseneggerni dunyoga mashhur yulduzga aylantirgan “Terminator” filmining birinchi qismi 1984-yilda Orion Pictures studiyasi tomonidan suratga olingan. Franshiza o‘ttiz yildan ortiq davom etgan ko‘p milliard dollarlik loyihaga aylandi va hozirgacha qayta tomosha qilish tavsiya etiladigan filmlar reytingidan o‘rin olib kelmoqda. Quyida “Terminator” filmi yaratilishi bilan bog‘liq qiziqarli ma’lumotlarni to‘plashga qaror qildik.
Barchasi Jeyms Kemeronning tushidan boshlandi
Amerikalik rejissyor Jeyms Kemeron dahshatli tush ko‘rdi, unda metalldan yasalgan odam qiyofasi olov ichidan paydo bo‘lib, unga yaqinlasha boshladi. Uyquda ko‘zlarini ochgan Jeyms darhol Terminatorning birinchi chizmalarini qog‘ozga bita boshladi. Keyinroq u Jon Karpenterning “Xellouin” filmidan ilhomlanib, qoralama ssenariyni yozdi.
Birinchi filmda ikkita Terminator bo‘lishi kerak edi
Dastlab Jeyms Kemeron yozgan ssenariyda bir vaqtning o‘zida ikkita Terminator — T-800 va T-1000 ishtirok etishi lozim edi. Rejissyorning fikriga ko‘ra, ikki qarama-qarshilik o‘tmishga qaytishi hamda vaqt oralig‘idagi sayohat davomida ulardan biri halok bo‘lishi kerak edi. Film oxirida faqat Kayl Riz qolishi rejalashtirilgan.
Terminator rolini boshqa aktyor ijro etishi kerak bo‘lgan
Jeyms Kemeron Arnold Shvarseneggerni bosh rolga olishdan avval rejissyorga bir nechta boshqa nomzodlar taklif etilgan. Jumladan, Silvestr Stallone va Mel Gibson kabi taniqli aktyorlar filmga jalb qilinishi kerak bo‘lgan, chunki kino studiya tomoshabinlar e’tiboriga tushgan yulduzni ko‘rishni istar edi. Ammo Stallone va Gibsonga ssenariy istiqbolli ko‘rinmadi va ular taklifni rad etdi.
Arnold Shvarseneggerga Kayl Riz obrazini taklif qilmoqchi bo‘lishgan
Shvarsenegger biz tanigan mashhur Terminatorni mukammal darajada ijro etgan bo‘lsa-da, ssenariyning bari boshqacha bo‘lishi mumkin edi. Dastlab Arnoldga Kayl Riz rolini ijro etish taklifi berilgan va bu imkoniyat aktyorga yoqqan, lekin rejissyor Shvarseneggerni uchratishdan avval undan qutulishni istadi. Chunki filmda yangi qiyofa bo‘lishini xohlamas edi.
Kunlarning birida Kemeron Shvarseneggerni uchratgach, aktyorning tashqi ko‘rinishi uni qiziqtirib qo‘ydi va u Terminator roliga mos ekanligiga ishonch hosil qildi.
Shvarsenegger “Terminator” muvaffaqiyatli bo‘lishiga ishonmas edi
“Terminator” birinchi qismining premyerasidan so‘ng, Arnold Shvarsenegger va kino studiya xodimlari Jeyms Kemeronning ushbu loyihasi muvaffaqiyatli chiqishiga ishonmaganini tan oldi. Shunga qaramay Arnold bosh rolni ijro etishdan qo‘rqmadi, chunki film past reyting egallagan taqdirda aktyorni shunchaki hech kim e’tiborga olmasligi va loyiha uning obro‘siga putur yetkazmasligiga ishonar edi.
Arnold o‘zining mashhur iborasini ayta olmas edi
Shvartsenegger 21 yoshigacha Avstriya va Germaniyada yashaganligi sababli uning ingliz tili darajasi juda yomon edi. Bu aktyorlik karyerasining boshida o‘z aksini topdi va Arnoldga uzun gaplari bo‘lmagan yoki umuman so‘zlashish shart bo‘lmagan rollarni taklif qilishar edi. Ingliz tilini yaxshi bilmaganligi sababli Shvarsenegger hatto o‘zining mashhur iborasi: “I’ll be back”ni talaffuz qila olmas edi. “Men hali qaytaman” so‘zlarini to‘g‘ri aytishni Arnold uzoq vaqt davomida mashq qilgan.
Jeyms Kemeron ba’zi sahnalarni ruxsatsiz suratga olgan
Deyarli har doim jamoat joylarida, hatto oddiy kimsasiz ko‘chalarda ham film suratga olish uchun shahar mutasaddilaridan ruxsat talab etiladi, biroq byudjeti chegaralangan Jeyms Kemeron ruxsatnomalarni olishga ulgurmadi va ko‘plab sahnalarni taqiqlangan jamoat joylarida suratga tushirdi. Filmni suratga olish guruhi ba’zan politsiyadan qochishga majbur bo‘lgan.
Shvarsenegger film uchun astoydil tayyorgarlik ko‘rgan
Shvarsenegger qahramoni o‘q uzayotganda robot ko‘zlari biror marta yumilmasligi hamda miltiqni qayta o‘qlayotganda qurolga qaramasdan ishni bajarishi uchun bir oy davomida otishma poligoniga qatnagan. U har kuni bir necha soat davomida qurolni qismlarga ajratish, qayta o‘qlash va o‘qqa tutish kabi jangari amallarni bajarishni o‘rgangan.
Izoh (0)