Хонанда Авазбек Олимов муаллифлик ҳуқуқи юзасидан ўтказилган судда ютқазди. Ундан шоира фойдасига 170 млн сўм ундириш белгиланди.
Авазбек Олимов шоира Маҳлиё Аҳророванинг “Гўзал ёрим” шеърини унинг рухсатисиз йиллар давомида “Севар ёрим” номи остида куйлаб келгани учун товон пули ва маънавий зарар тўлайдиган бўлди.
Фуқаролик ишлари бўйича Учтепа туманлараро судининг 24 майдаги ҳал қилув қарори билан хонанда Авазбек Олимовдан даъвогар Маҳлиё Аҳророва фойдасига 150 миллион сўм товон пули ва 20 миллион сўм маънавий зарар ундириш белгиланди.
Шунингдек, Авазбек Олимовга “Севар ёрим” қўшиғини ижро этмаслик мажбурияти юклатилган.
Бундан ташқари, хонанда ҳисобидан шоира фойдасига олдиндан тўланган 6 миллион 680 минг сўм давлат божи ва 34 минг сўм почта харажатини ундириш ҳам белгиланган.
Изоҳ (0)