Xonanda Avazbek Olimov mualliflik huquqi yuzasidan o‘tkazilgan sudda yutqazdi. Undan shoira foydasiga 170 mln so‘m undirish belgilandi.
Avazbek Olimov shoira Mahliyo Ahrorovaning “Go‘zal yorim” sheʼrini uning ruxsatisiz yillar davomida “Sevar yorim” nomi ostida kuylab kelgani uchun tovon puli va maʼnaviy zarar to‘laydigan bo‘ldi.
Fuqarolik ishlari bo‘yicha Uchtepa tumanlararo sudining 24-maydagi hal qiluv qarori bilan xonanda Avazbek Olimovdan daʼvogar Mahliyo Ahrorova foydasiga 150 million so‘m tovon puli va 20 million so‘m maʼnaviy zarar undirish belgilandi.
Shuningdek, Avazbek Olimovga “Sevar yorim” qo‘shig‘ini ijro etmaslik majburiyati yuklatilgan.
Bundan tashqari, xonanda hisobidan shoira foydasiga oldindan to‘langan 6 million 680 ming so‘m davlat boji va 34 ming so‘m pochta xarajatini undirish ham belgilangan.
Izoh (0)