O‘zbekistonlik MMA jangchisi Nursulton Ro‘ziboyev UFC promoushenidagi navbatdagi jangini 12-may sanasida o‘tkazdi.
Ro‘ziboyev AQSHdagi UFC Fight Night turnirida Xoakin Bakliga qarshi oktagonga ko‘tarildi.
Birinchi raundda o‘zbekistonlik jangchi masofadan ishlashiga to‘g‘ri keldi. Xoakin 2 marta teykdaunni amalga oshirdi. Ikkinchi raundda ham deyarli birinchisidagidek ssenariy takrorlandi. Uchinchi raundda esa Nursulton bir necha qiyin vaziyatlardan chiqib ketishga muvaffaq bo‘ldi.
Uch raund yakuniga ko‘ra Xoakin Bakli ochkolar evaziga g‘alaba qozondi.
Eslatib o‘tamiz, Nursulton 2023-yilning 2-iyul kuni UFC’dagi debyutini o‘tkazgandi. U braziliyalik yengilmas jangchi Bruno Ferreyrani (10-1) birinchi raunddayoq nokaut bilan mag‘lub etdi. Promoushendagi ikkinchi jangida esa Sedrik Dyuma (9-2) taslim etilgandi.
Izoh (0)