Халит Эргенч ва Жан Яманнинг янги лойиҳалари, фильмлардаги ёмғир саҳналари қандай суратга олинади? Турк киноси янгиликлари

21 ёшли актриса Эйлул Тумбар бир муддат танаффусдан сўнг суратга олиш майдонига қайтаётгани ҳақида хабар берди. У янги “Ёлғон” номли драма йўналишидаги сериалда иш бошлади.

“Аноним севишганлар” номли янги сериални суратга олиш жараёнлари тугалланди, унда бош ролларни Халит Эргенч ва Фунда Эрйигит ижро этди.

Сериалнинг қисқа мазмуни:

“Шифокор Жем жавобсиз қолган муҳаббатидан азият чекаётган беморларнинг психологик ҳолатини яхшилаш билан шуғулланадиган психолог-терапевтдир. Амалиёти давомида у турли психологик муаммоларга дуч келган беморларни даволайди”.

Сериал Netflix’га тегишли лойиҳа бўлиб, 8 та қисмдан иборат ва ҳар бир қисмда турли беморлар ҳаёти ёритиб борилади. Сериал режиссёр Турагай Умур томонидан суратга олинди.

Netflix’нинг янги лойиҳаси қачон ишга тушиши маълум бўлди: Серенай Сарикая, Боран Кузум, Хакан Курташ каби актёрлар суратга тушган “Кимлар келди, кимлар кетди” сериали 2024 йил 9 май куни эфирга узатилади.

Истанбуллик актёр ва модел Жан Яман 2021 йилдан бери эфирга узатилиши кутилган “Сандокан” сериалида ва ниҳоят кўриниш беради. Унинг премьераси апрель ойининг охирларига мўлжалланган.

Мазкур ролга тайинланган кундан бошлаб актёр отда миниш маҳорати, қиличбозлик ва сузиш каби спорт турлари билан жиддий шуғулланиб келди. Сериалга қизғин тайёргарлик кўраётган Жан Яман Instagram саҳифасида от минган суратлари билан бўлишди.

Режиссёр ёрдамчиси Енер Ялчин фильм ва сериалларда ёмғирли саҳналар қандай суратга олиниши ҳақида айтиб берди. Бундай кадрларни олиш бирмунча мураккабдир. Бунинг учун кранда осилган махсус сув мосламаси орқали ёмғир томчилари “ёғдирилади”. Қурилмадан ҳақиқий ёмғирли об-ҳавода ҳам фойдаланишга тўғри келади, чунки табиий ёмғир махсус кучайтирувчи эффектлар ва тўғри ўрнатилган чироқларсиз кадрда деярли кўринмайди. Битта дублни олиш учун актёрлар баъзан соатлаб ёмғир остида қолиб кетишга мажбур бўлади.