40 йил ўтиб: 27 ёшида бева қолган “Табиб” фильми юлдузи Анна Димна ҳозир қандай кўринишда?

Совет Иттифоқида кўплаб ажойиб фильмлар суратга олинганига қарамай, 1970 йилларда СССР Франция, Италия ва бошқа капиталистик мамлакатлардан фильмларни фаол равишда сотиб олишни бошлайди. Ушбу фильмлардан бири полшалик режиссёр Ежи Хоффманнинг “Табиб” картинаси эди.

Ушбу фильм туфайли совет томошабинлари полшалик истеъдодли актриса Анна Димна ҳақида билади. Анна Димна “Табиб” фильмида бош қаҳрамон, профессор Рафал Вилчурнинг қизи Марися ролини ўйнайди.

Марися фильмда ювош, меҳрибон ва оқкўнгил қиз сифатида намоён бўлади. Марися энг яхши фазилатларини ўзида мужассам этган. У кучли характерга ва чуқур ҳис-туйғуларга эга образ.

Актриса Анна Димна асосан томошабинда кучли ҳис-туйғуларни уйғотадиган драмаларда рол ўйнаган. Афсуски, тақдир тақозосига кўра актрисанинг ўзи ҳам реал ҳаётда машаққатли синовларни бошдан кечиради.

Аннанинг келиб чиқиши полшалик. Онаси қизи профессионал балерина бўлишини орзу қилган. Анна баланд бўйли, нозик ва жуда хушбичим эди. Эҳтимол, у балерина сифатида машҳур бўлиши мумкин эди, аммо Анна театр санъатини танлайди. Айтганча, унинг ташқи кўриниши ҳам актрисалик карьераси учун жуда мос келарди. Мактабни тугатгач, Анна театр олийгоҳига ўқишга киради.

Қиз қунт билан ўқийди ва имтиҳонларда энг юқори балл олади. Олийгоҳни тугатгандан сўнг, у ҳозирги кунгача саҳнада ўйнаётган Эски театр труппасига қўшилади.

Кўп йиллар давомида эпизодик роллар ёки кичик образлар билан кифояланадиган кўплаб ёш актёрлардан фарқли ўлароқ, Анна карьерасининг бошиданоқ бош ролларни ижро этади.

Актриса ватанида тезда шуҳрат қозонади, “Табиб” фильми экранларга чиққандан сўнг эса чет элларда ҳам тан олинади. Фаолияти давомида актриса 70 дан ортиқ фильмда суратга тушган.

Анна Димна фамилиясини турмуш ўртоғи Всеслав Димнадан олган. Актриса Всеслав билан ёшлигида танишган. Эркак ундан 15 ёш катта эди, аммо бу фарқ улар учун аҳамиятга эга эмасди. Асосийси, Анна ва Всеслав бир-бирини севган.

Афсуски, эр-хотиннинг 5 йиллик бахтли никоҳидан сўнг, 1978 йилда Всеслав ҳаётдан кўз юмади. Баъзи манбаларга кўра, эркак юрак хуружидан вафот этган. Ўшанда Анна 27 ёшда эди. Актриса оғир руҳий тушкунликка тушиб қолади. У фильмларда рол ўйнашни, умуман олганда ҳеч нарса қилишни хоҳламасди.

Яқинлари Аннанинг аҳволидан жуда хавотирда эди, у ўзига бирор нарса қилиши мумкинлигидан қўрқишарди. Унга бу жудоликни енгишга ёрдам бериш учун актриса ҳаётини тубдан ўзгартирган хайрия тадбирига таклиф қилинади. Анна энди эрига ёрдам бера олмаслигини, лекин бошқаларга нафи тегиши мумкинлигини тушунади. Актриса даромадининг катта қисмини хайрия ишларига сарфлашга қарор қилади ва бу қарорига қатъий амал қилади.

Ҳозирда Анна фильмларда ва театр саҳнасида рол ўйнашда, хайрия ишларида фаол қатнашишда давом этмоқда. У полшалик актёр Кшиштоф Оржеховский билан бахтли турмуш қурган. Унинг эри ҳам хайриячи ва шу жиҳат уларни бирлаштирган.

Албатта, Анна ҳозир “Табиб” фильмини суратга олиш пайтидаги каби ёш ва гўзал эмас, лекин 72 ёшида ҳам актриса ажойиб кўринади. Айтганча, Анна ҳеч қачон пластик жарроҳликка мурожаат қилмаган, у доим табиий гўзалликни афзал билган.