Россиянинг Самара вилоятида Ўзбекистон фуқароларини олиб кетаётган автобус ЙТҲга учраши оқибатида икки киши ҳалок бўлганди. Ўзбекистоннинг Россиядаги элчихонаси бу маълумотни тасдиқлади.
Ҳодиса 8 апрель куни Самара вилоятидаги Урал-Муханово трассасида содир бўлган. Чимкент—Нижний Новгород йўналиши бўйлаб ҳаракатланаётган автобус йўлдан чиқиб кетиб, ағдарилиб кетган. Ҳодиса вақтида автобусда 66 нафар йўловчи бўлган. Оқибатда икки нафар Ўзбекистон фуқароси ҳалок бўлган, 20 га яқин киши жароҳат олган ва тиббиёт муассасаларига жойлаштирилган.
“Зарур ёрдам кўрсатиш мақсадида Ўзбекистоннинг Россиядаги элчиси ва Қозон шаҳридаги Бош консуллик ходимлари воқеа жойига етиб борди. Бу борада дипломатлар Россиянинг Самара вилоятидаги тегишли ташкилотлар билан яқиндан ҳамкорлик қилмоқда. Вазият алоҳида назорат остида”, — дейилади хабарда.
Зарур ҳолларда, қўшимча маълумот учун қуйидаги рақамларга мурожаат қилиш мумкин:
- Ўзбекистоннинг Москвадаги элчихонаси консуллик бўлимининг cалл-маркази: +7 499 238-36-20; +7-499 230-00-76
- Ўзбекистоннинг Қозон шаҳридаги Бош консуллиги: +7 843 526 55 63; электрон почта манзили: kaz.uzconsulate@mfa.u
Январь ойида Россиянинг Пенза вилоятида юз берган ЙТҲ оқибатида 7 нафар Ўзбекистон фуқароси ҳалок бўлганди. 3 апрель куни Қозоғистоннинг Ақтўбе вилоятида содир бўлган автоҳалокатда 8 нафар Ўзбекистон фуқароси вафот этди. Уларни жасадлари Мудофаа вазирлигининг махсус самолётида олиб келинди.
Изоҳ (0)