Space Оnе томонидан амалга оширилган Япониянинг сунъий йўлдошли биринчи хусусий ракета парвози муваффақиятсиз якунланди. Ракета учирилганидан бир неча сония ўтиб портлаган. Бу ҳақда ‘‘ТАСС’’ хабар берди.
-raKw14rW.jpg)
Ракета қолдиқлари парвоз майдони яқинидаги тоғларга қулаган. Муваффақиятсизлик сабаби ҳозирча номаълум. Ракетада Ер юзасини кузатиш учун мўлжалланган тахминан 100 кг оғирликдаги ҳукумат сунъий йўлдоши бўлган.
Kairos ракетасининг узунлиги 18 м, оғирлиги эса тахминан 23 тоннани ташкил этган. Штаб-квартираси Токиода жойлашган Space Оnе уни 2018 йилдан бери ишлаб чиққан эди.
Ҳукуматда космик индустрия ривожланишини назорат қилувчи иқтисодий хавфсизлик вазири Санае Такаичи таъкидлаганидек, Япония 2030 йилларнинг биринчи ярми охиригача йиллик ракеталар сонини тахминан 30 тага етказмоқчи.
Япония аэрокосмик тадқиқотлар агентлиги (JАХА) сўнгги 10 йил ичида 30 дан ортиқ космик парвозларни амалга оширган. Бундан ташқари, Mitsubishi Heavy Industries давлат корпорацияси мунтазам равишда разведкачи сунъий йўлдошларини учиради.
Изоҳ (0)