Европанинг 15 йилдан бери ишламаётган ERS-2 сунъий йўлдоши орбитадан чиқиб, атмосферанинг зич қатламларида ёниб кетиши кутилмоқда. Унинг парчалари Ерга тушиши мумкин. Бу ҳақда Европа космик агентлигига таяниб, “Интерфакс” хабар берди.
Оғирлиги 2,3 тонна бўлган сунъий йўлдош 1995 йил апрель ойида Франция Гвианасидаги космодромдан Ернинг қуруқ юзаси, океанларни ўрганиш учун учирилган. У 2011 йил сентябрь ойида ёнилғиси қолмагани сабаб ўз фаолиятини тугатган.
Сўнгги прогнозларга кўра, ERS-2 сунъий йўлдоши 80 километр баландликда Ер атмосферасига киради ва жануби-шарқий Африка узра парчалана бошлайди. Қурилманинг ёнмаган бўлаклари Ер юзасига етиб бориши мумкин, бироқ катта эҳтимол билан Ҳинд океанига тушади.
“Сунъий йўлдош парчаларининг ҳеч бири заҳарли ёки радиоактив моддаларни ўз ичига олмайди”, — дейилади хабарда.
Изоҳ (0)