Арманистонга оид жамоавий хавфсизлик шартномаси бажарилмади, шунинг учун Ереван КХШТдаги иштирокини музлатиб қўйди. Бу ҳақда республика бош вазири Никол Пашинян France24 телеканалига берган интервьюсида маълум қилди.
“Бизнинг фикримизча, Арманистонга оид Коллектив хавфсизлик шартномаси, айниқса, 2021—2022 йилларда амалга оширилмади ва бу бизнинг эътиборимиздан четда қолмади. Ушбу ташкилотдаги иштирокимизни музлатиб қўйдик. Кўрамиз, олдинда нималар бўлади”, — деди Пашинян.
Арманистон бош вазири Россия расмийларининг позициясини ҳам танқид қилди. Жумладан, Россия бир неча ой олдин “Арманистон аҳолисини ҳукуматни ағдаришга очиқ чақирганини, Москвадан унга қарши мазкур пропаганда заифлашмаслигини” таъкидлади.
“Биз ҳудудимиздаги ноқонуний ҳаракатларга тоқат қила олмаймиз”, — деди Арманистон бош вазири ва “Ереван талаблари жавобсиз қолса, оқибатлари” билан таҳдид қилди.
Шунингдек, у ҳозирда Арманистон ва Озарбайжон ўртасида тинчлик ўрнатишни тасаввур қилиб бўлмаслигини айтди.
2022 йилда Ереван ва Боку Россия, АҚШ ва Европа Иттифоқи воситачилигида келажакдаги тинчлик шартномасини муҳокама қила бошлаганди. Яқин ўтмишда томонлар тинчлик шартномасининг якуний лойиҳаси устида иш олиб борган.
“Агар Озарбайжон Арманистонни “Ғарбий Озарбайжон” деб ҳисобласа, шунингдек, яқинда юз берган ҳужумни ҳисобга олсак, бунинг иложи йўқ, ҳозирда бу тинчликни тасаввур қилиб бўлмайди”, — деди Пашинян.
Унинг сўзларига кўра, Озарбайжон баёнотлари инобатга олинса, Арманистонга қарши янги ҳужум эҳтимоли катта, деган хулосага келиш мумкин.
“Озарбайжоннинг яқиндаги ҳужумига келсак, биз тергов ўтказишни талаб қилдик, аммо шунга қарамай, Озарбайжон вазиятдан ўз риторикасини кучайтириш учун фойдаланмоқда. Буларнинг барчаси бизни Озарбайжон Арманистонга қарши янги ҳужумга тайёргарлик кўраётгани ҳақида ўйлашга мажбур қилади”, — дея қўшимча қилди у.
Ереван бир неча бор КХШТ ва Москвани ўз мажбуриятларини бажармаганликда айблаган. Январь ойида Арманистон хавфсизлик кенгаши котиби Армен Григорян республиканинг ташкилотдан “ҳеч қандай умиди йўқлиги”, чунки 2022 йил сентябрь ойида “кенг миқёсли ҳужум” вақтида “адекват реакция” олмаганини айтганди.
- 2023 йилнинг 23 ноябрида Пашинян Минскдаги КХШТ саммитида иштирок этишдан бош тортган эди.
- КХШТга олтита давлат: Арманистон, Беларусь, Қозоғистон, Қирғизистон, Россия ва Тожикистон киради.
Изоҳ (0)